Loading. Please wait...
show main info show sidebar hide sidebar

村上隆 vs Murakami 的週末

從前。。。

從前, 有個小朋友好鍾意打籃球, 但係就成日唔肯溫習,爸媽常常都說要退出籃球隊。 但係,睇到打籃球既好處係,識到一班朋友,唔會孤獨,真係由心底裡認同。 再從前, 有個小朋友就黎眼盲, 喺佢入萬人學校之前, 寫咗呢個計劃。。。 隻眼成日紅曬, 再唔補救醫生就話眼盲。 但係呢個小朋友, 好鍾意煮嘢食, 又鍾意食嘢,如果盲左,真係乜都唔駛做了。

第一份食譜

話說上中學之後, 就會有烹飪堂。 第一次煮完沙律, 第二次都係做沙律。 期間阿豆自己寫咗個食譜, 點樣整太陽蛋, 太理論啦, 第二日就同佢整飛碟。

話說豆好大壓力

我悄悄話 send 左比佢。。。 世界上,什麼困難都可以克服的, 加油啦!

往事只能回味

Mery 大佬返黎,去我地屋企玩, 食咗好多花生。 仲第一次同細佬去咗籃球場打波, 打到唔捨得走, 又打到個個哥哥都濕曬。。。 細佬好認真打籃球,真係好鬼型。 最後發現拎錯咗人哋個籃球, 就眼濕濕話唔可以唔拎返daddy嗰籃球( 係真心為daddy傷心㗎), 仲滴咗幾滴眼淚。。。 跟住就一次過拎咗兩個籃球返屋企。 最後團子問左一個重點問題,究竟點解搞成咁。。。係啦,或者無人會知。

細佬第一次做風紀

佢話啲同學完全唔理佢, 又走嚟走去。 睇住佢咩個咁重咁大嘅書包 , 好似好大個喇。 仲要兩個一齊, 著錯運動衫配返學鞋。。。 成件事好小學雞。 最後細佬夜晚捉住我, 仲同我講話今日第一次可以單手上籃。

正式開學啦

中小學雞正式開學啦! 快到想像唔到。。。 年輕人,究竟有乜嘢動力驅使你咁早起身呀?係愛定係責任呀? 係開學呀!一齊咩書包返工返學嘅感覺 大中小學雞

第一天做中學雞

今日終於由小學雞升級做中學雞了 , 話說琴日先至有人發現未做曬功課, 仲要去咗朋友屋企玩, 找到爹爹豬和媽媽豬超級嬲, 做功課做到十二點半先有得瞓。 今朝一早起身, 有人超級緊張,係咁 e e 哦哦。 好驚識唔到朋友, 又驚老師會鬧點解唔返學 ( 因為搞錯日子以為今日先要返), 全程車都勁緊張。 去到學校門口, 見到其他人件衫唔同色, 又緊張一次。 我有問過豆, 使唔使送佢入學校門口, 佢決定自己好勇敢踏出第一步,成功走入校園。 跟住豆豆返到嚟就話好開心, 因為好多遊戲玩好好玩。 第一日玩高空掉雞蛋,同起高塔。 第二日玩第五人格捉衣因,五位老師做捉既數學遊戲。 第三日玩野外定向同睇書。 遇到一啲好似小學同學嘅朋友, 又遇到一啲因為你冇玩食雞所以唔同你做朋友嘅人, 或者仲有一啲覺得你好幼稚冇曬童真嘅小朋友。。。...

小學雞的 What’s App 群組

是咁的。。。 小學雞因為生日會,所以入手了好朋友的電話號碼,第一次成立了小學雞群組。 睇住阿豆唔係好識 Digital Communications – What’s App 既時候,好搞笑。 又唔知覆乜嘢message,又唔知講乜野好咁。。。 就係小學雞情懷。。。

小學雞告別之旅

今日係好天到一步成炭嘅日子

爸爸的愛

昨晚,朗朗話老師考月份的英文,話好難唔識,咁我話不如我每日同你講一個月份英文的由來故事la 😊. 既然都要找資料,不如就係Facebook share 出來,俾其他小朋友都知道這些故事,希望有小朋友的朋友,都同自己的小朋友有一個開心的故事時間。 January 的故事 January 其實係古羅馬的一個神Janus的名字,而拉丁文亦會寫成Janua。 Janus 係一個負責天空之門的人,他每日早上就會負責打開天門,陽光就可以經過天門照亮大地,晚上佢會負責關上天門,所以佢既名係拉丁文亦有Door 的意思。 Janus 有一樣好特別的特徵,就係有兩張面,好多畫像都會畫佢係有一張青少年面孔和一張老人面孔,他的兩張面,一前一後,一個望著過去,一張望著未來,所以人們就拿著佢除舊迎新的意思來做了新的一年第一個月份的名字了。 希望大家都覺得個故事有趣喇,要準備二月February 的故事搜集了!😊

第一次中學面試

一大早就同走去interview, 有好多媽媽都迫細路繼續背書, 見到阿豆自信咁 show 自己部 Portfolio,好開心。 而家做細路真係好辛苦, 不過最緊要都係佢享受自己嘅生活, 自己準備powerpoint, 自己講返出嚟, 超有成功感。

人生無小事

今日豆第一次自已返屋企,但訓著左,過左兩個站再行番屋企。 佢好興奮咁同我哋講, 因為有個媽媽叫醒小朋友, 先至醒來知道要落車, 仲要自己過馬路行返屋企,有一份成功的滿足感。 到細佬今日又分享咗接力選拔嘅結果, 結果佢只係可以跑後備, 我就話因為佢太大力跑步了 XD 佢鍾意我問多啲佢既學校生活, 有時專注喺細佬身上嘅時間好少,可以同媽媽豬獨處,細佬都超開心,第二日又搵我繼續同佢傾計。

第一間參觀的中學

今日第一次同豆豆一齊去參觀中學, 特登請假去參加簡介會, 豆豆對中學的生活充滿好奇。 不知不覺豆豆和爹爹一樣高了。。。 好懷念中學有家政堂, 又可以選擇自己喜歡的科目, 遇上很好的姐姐介紹學校, 不停問一些很實際的問題。 到最後, 媽媽豬問了校長一些問題, 豆豆超級緊張, 原來可以升讀大學的人數比想像中少。。。 回家後,很累,還累過返工。

得到世界的認同

即使你地覺得我係幾咁唔得,幾咁無水準,幾咁無用, 今日我得到了世界的認同。 由 Silicon Valley 既人,講番佢見過亞太區咁多 startups,但係我果套,係最去到佢地既水平。 呢種開心同埋認同自己既感覺,好似好耐都無過了。

願意行多一步的小粉紅

今日無拉拉喊左兩次,因為好傻,好無謂的原因。。。 連搵邊個去開會,都唔識了。。。 其實小粉紅唔係傻既,只係佢願意為其他人行多步同考慮多一步。 但係,殘酷的事實係。。。小粉紅將會0係呢個世界滅亡。 雖然小粉紅係最快0係呢個世界消失同滅亡既物種,但係我情願相信,呢個世界仍然有機會充滿著小粉紅的希望。🌟到有一天,小粉紅消失曬既時候,起碼都有人見證小粉紅在世界上存在過。

點亮人生的一句話

今日豆借左一本書,好 Arm BB 同我。

熱血的黃昏

今日等左 3 個鐘頭 KFC 之後,好熱血咁踏單車去新屋地盤。 比蚊咬到飛起。 之後仲踏到去大埔中心食飯,感覺後生左十年。

豆豆薯片歷險記

話說今日放課,麻麻叫豆豆自己返屋企。 當豆豆得到無比強大既八達通同埋自由之後,第一個主意就係去買薯片。 麻麻同細佬偷偷跟0係後面,見到哥哥一落樓就衝過馬路,去 7-11 買薯片。 中間麻麻同細佬同哥哥走失左,好擔心。 去到巴士站,終於見番哥哥,歷險便完結了。

遲來的中秋

話說連續幾個星期,都有大獲野發生,真係唔通連個天都唔鍾意我? 原定最圓果日去賞月,結果瘋狂 OT,搞到星期六先有得去。 難得好有閒情踏單車去大尾督食午餐,在海邊扮下日本男兒當入樽 – 江之島的五米情懷。 夜晚去 Oppa 的韓式炸雞和牛丼,再去海濱公園賞月,跑到嘔,成個人青春曬。

婆婆的生日飯

連續 2 星期,食左幾次自助餐和放題,飽到滯,仲提議再放題。。。 不過見 d 花生都 ok 趣,咁就算啦。 連邊個比錢都要嘈。。。邊度有未來呀。。。

Fly Me To The MOON

今日同姑食生日飯,法式旋轉的浪漫,姑都好開心。 又再一次再一次地要回應一些無意義的問題,如果發問的方向可以有智慧一點,可能會有心機回答 d… 去左睇巨型月亮,真係好靚靚。

狂賭之淵遇上動物之森

話說一早勁多花生食,睇住人地如何厚顏地拒絕搬屋,因為無位開 party。 晚上爹爹豬下廚,吉野家牛肉飯,慢煮豬排, 味噌茄子和廣島蠔,所有飯都被 KO 了。 飯後再玩狂賭之淵遇上動物之森,勁搞笑,勁多崩壞的表情 XD 最後爹爹豬 win 了。

哥哥的第一個金牌。成為金牌兄弟

今日係哥哥第二次參加公開比賽,兩兄弟都好緊張。 終於展現了苦練一年的成果,兩兄弟都成為了金牌兄弟,好感動哦! 原本哥哥拎到金牌之後,都開心到唔識講野。 去到我話要用金牌黎買電腦版既 Minecraft,佢先至話呢個係佢最寶貴既野。 見到孩子一步一步努力,向前成長,辛苦過後的成果,要記著這份感覺。

告別的午餐

Mery 終於要出發到美國了。 總感覺緣份很奇妙,看著她的第一份工作,連廣東話都說不好,去到和大佬結婚,再去到另一個地方開展新生活。 生活的變化,總需要一連串勇氣。被動的接受改變,還是創造一點機會給自己。 好唔捨得,不過有緣總會再相遇的。

煙花。應該和誰看

免費的 Team Lunch,剛好快到姑和大神的生日。 食完飯和 Sandy x Kitty x Dave x 姑去睇煙花。應該和誰看。 睇到完場果一刻,真係只有句“下?完左啦?” 後來睇番解讀,原來很有意思的。。。 珼實世界沒有如果,只有一次機會。就盡情好好把握這次機會做一些想做的事情吧。 或者最近麻煩太多,有點迷失的自己。

告別深圳。世界矽谷之旅

六女一男 x 一次勁 Chok 勁影相的二日一夜旅程 全程應該會影左超過 2 千張相,聽講0係泳池,我地未到既時候已經影左超過 500 張。不過係真係影得靚既~ 連等的士都影,勁多女。。。 對爹爹豬黎講,就只有煩。。。 聽說早發育的小朋友,會有一點共通點。。。 扮恭喜大佬~ 連地鐵都唔放過。。。 連 d 雲都無執過,反而執左個大廈,真係連新海誠都要抄我~! 少女們就是可以早餐都未食,就先食甜品。 因為天氣好,隨手影都有新海誠風。 感應森林,告訴我們,人和人之間的相遇,將會誕生不同的藝術效果。 但當整個森林都是人的時候,又是另一種熱熱鬧鬧的效果。 時間演繹了一段段緣份,每一個身邊的人,來來去去,但關係仍然在心中,不會改變。 難得兩口子可以大玩大影,無時停。 我既技巧係好 d 既 XD 這一次的旅程,雖然累,但係大家都笑得很開心。  

哥哥幫細佬默書

這個 system 終於漂亮地運行了

細佬 8 歲生日會

細佬 8 歲生日會,最後一刻先叫朋友仔黎。 好彩麻麻發揮了上客的功力,連鄰居都叫埋黎,最後連跆拳老師都黎,細佬超開心。 細佬超鍾意由爹爹豬親自訂的 Minecraft 蛋糕,靚到唔捨得切。 體驗到全屋都係仔既威力~!

鋼鐵是怎樣煉成的

很心痛睇住一個如水的 BB 變成了鋼鐵,一次又一次打破了心中的瓷器。 這一切的經歷,都只是一份負擔。。。讓前路更難走下去。。。 因為。。。這種感覺,我經歷過。 ********************* 從頭溶掉我多災的信仰 鑄造更光更亮 淋過冷水 也等得漫長隨着每個打擊 我會愈強最難舌劍唇槍 怎樣武裝 和人言打仗其實這鋼盔 天天加厚 最後令我 站着亦牽強我縱是內傷 但強人 哪可休養我變做了鋼鐵 但未完全勝利無人晚上會記起我都想可以脆弱到 仿似瓷器極易碎那顆心 就如玻璃我變做了鋼鐵 屹立茫茫戰地形成最礙眼對比若我得到常人 戀愛運氣又哪用鐵金剛 一雙鐵臂如可強硬到孤單都嚇退要滴過幾次淚 才夠建築 永生的身軀然後我掃得低 一支軍隊先知過去如水 堅毅至此 原來回不去

如果可以擁有一種魔法

豆豆想要停止時間嘅魔法,好似小炎。 朗朗想要消滅世界所有野,咁我地就會有時間同佢打機。 另類的人類補完計劃。 小朋友最需要的,是爸爸媽媽的時間。

大阪。京都大步大步之旅

好耐無同埋婆婆同麻麻一齊去旅行。。。 原來一落地就想要撘兩架的士去酒店。。。好後悔無即刻租車。。。原來無左架車,就好似連腳都無了。。。 好彩一出地鐵站都搵到原本想食既炭火燒肉店,不過真係從未試過拖住喼,行半個鐘原來係咁辛苦的。。。 麻麻和豆在日本街頭,很有日本的味道。 每次必食的麥當奴早餐,遇到 Golden Arch。 呢 d 就叫做一樣樣。。。 好好彩可以玩到 Dragon Quest 既真人冒險,從此豆豆就鍾意了史來母,佢話肥肥的,好得意哦。。。 冰屬的史來母大王 全程都充滿了陽光和遊戲,基本上婆婆都只係坐,都已經辛苦到暈。 最後在 Universal 附近食了 Hea Sushi 第三日去孩子的室內遊樂場,和婆婆想去的手信地獄。 原來只係行 5 分鐘到地鐵都很吃力。 大阪必食大阪燒,原來蟹道樂是會 Full 的。 可以嘗試返工和 Super...

理想多高多遠

最近唸多左自己爭乜野,或者想要乜野。。。 比我更頹,更廢的,大有人在,但係都到了 AVP 級別。。。 我還在打圈子。。。 曾經出現過的機會,究竟係我無好好把握,定係我根本唔想去把握。。。 到最後,其實我究竟想要乜野。。。

突然一生人

突然一低頭 歲月壓兩肩驟然一舉頭 沒時侯掛牽為浮生强渡流年 怎麼演各有主角在排練 今日返工的時候,突然想起 Ji 人生真的沒有太多時間做無聊的事, 孩子總要學會長大,和自己行要行既路。。。

波子棋

已經大個都可以玩波子棋嘅年紀, 轉眼間已經可以贏過daddy。 時間,可唔可以行慢 d…

人生的大獎

點解成日都咁好彩,成日都有大獎

男孩子的家家酒

一回到家,見到兩個細路玩公仔,所有火都下了。。。

姑姑的生日快樂

讓理想飛

溫暖的流水面

傳說中的流水面,將平凡的面面,變成不平凡。 晚上無聊地看周星馳的零零7,兩個細路,笑到碌地。

哥哥的愛

和細佬對戰,即使贏咗,都會就細佬,自已先擦牙 細佬覺得哥哥唔愛佢,但係細佬最鍾意就係同哥哥玩 一份靜肖肖而暖暖的愛

如果命運能選擇

年少多好 如果命運能演習 現實中不致接納一生每步殘酷抉擇 留守過去的想法 我會否好像這樣生於世上無目的鞭撻 今日瘋狂地爆樽,一地玻璃 XD

欠缺目標,只會行很遠的路

新髮型, 加上玩具的新寵 每一晚都是鬥智鬥力的挑戰

自強不息

今日主題係自強不息 天空就像充滿著幻想和希望 唯有自強不息,才不能被人淘汰

豆的 11 歲

今天係豆豆第一次在家的生日會, 有好多同學一齊打機,一齊玩遊戲。 原來好多同學已經可以自己去街, 仲玩咗小學雞版狼人。 超好玩,超開心,超累。 3DS 復活了!第一次四個人一齊去打獵, 好搞笑,勁好玩。 仲一次過download咗好多game, 可以玩到眼都盲 XD 題外話:豆豆話第一次在 minecraft 識左一個外國人,仲加左成為好友,仲識埋佢 brothers 。呢個係豆豆第一個外國朋友,小朋友長大真快。

連豬既毛毛都照顧住呀

大風到連頭髮都 luck 埋 XD

一個好哥哥

話說昨晚哥哥打左細佬一巴,經過一輪說話之後,我地就話要哥哥做細佬一星期僕人。 今日就同哥哥講, 不如幫細佬咩書包,點知細佬又驚比人笑,所以無做到。 咁我就話不如哥哥幫細佬買燒賣啦。 係哥哥第一次去買小食。 點知今晚返到黎,原來哥哥真係買左燒賣比細佬。跟住細佬既同學仲話點解你哥哥咁好既? 細佬超開心,終於在小學期間,食到燒賣。

畢生擁有堅持 0 x 0 = 0 + 0 的勇氣

致被庸才打交叉的小孩 今日 BB 請食飯,好多真心話的對話。 現實就是每一個人都可以選擇滿懷勇氣探索這個世界, 或者選擇在路旁什麼都不試, 只是指指點點,庸庸碌碌平平庸庸地過了一生。 我希望,每天都可以抱著無限可能的心。

老生常談的問題

今晚同豆傾計,問左佢一個老生常談的問題,就係“你想要多 d 錢,定係想要媽媽豬呀?” 佢好肯定咁答,媽媽豬。 咁點解呀? 因為媽媽豬得一個 lor。。。同埋,錢可以再搵過 ar ma… 唉。。。原來係一個十歲小學雞都會答的問題。

如果要罰,罰邊個?

今日兩兄弟打交,打到爭 d 風扇都壞埋。 阿豆經過一輪背書包和行樓梯懲罰之後,要佢地兩個自己選,跟住落黎罰邊個。 最後細佬寫下自己個名,情願代哥哥受罰,豆豆感動了。 這就是兄弟情。

青春期

隔離同學突然嬲左阿豆,豆豆好擔心。 因為女同學只說左一句,“你係衰人黎 ga” 跟住就唔採佢。 豆追查番常識書,原來女仔青春期就覺得唔可以再咁樣同男仔一齊玩落去。 豆煩惱左一個 weekend,星期一佢地就好番了。 咁快就體會到女人的善變了。

遇上宇宙的黑洞

上次維他陳哥哥講完黑洞之後,阿豆勁睇宇宙書 

能夠一起懶洋洋,都是緣分

懶洋洋的在家玩 Mario Party, 懶洋洋的大富翁, 懶洋洋的在床上想想晚上吃什麼,想了一小時, 懶洋洋的行到大尾督, 又懶洋洋的走回家。 溫暖的手拖手,無聊的 IQ 題,生活中的小確幸。

JiGi 第一天合作

​在世之人一定要更努力的活著。隨然偶爾會哭泣,但要笑得更多,活得更堅強,那才是對所承受之愛的報答。 不知不覺,咁就一年了。 這一年,動盪太多,變化太多。 緣來緣去,把握現在的時光。

兒童節呈獻

今日豆豆郎郎去飲茶, 要變大人了, 因為佢哋唔再食布甸, 而係食楊枝甘露。 而家去公園的理由,已經變左因為要拍片。。。XD 做 Youtuber 真累。。。

晴朗的天空遇上風箏

一放風箏,已經順利沖上天空,久久都不下來了。 太耐沒有成功放過的感覺。 幸福生活中的一點甜。

津津有味的緊 O

每天晚上,就在”念念”的床上,互相讀著其他人的日記。

遇上YC的名人

那些年。一起交換日記的日子

今日第一天和豆豆,朗朗和爹爹豬一起交換日記。 很高興和萬分期待。 早上送豆豆和朗朗上學, 看見 Angry Bird 校巴和海嘯雲,今天一定有好運氣!

豆豆眼中的 20 年後

對比細佬的版本,阿豆好好 ga la. 細佬版本,20 年後我地仲要繼續打電腦。。。XD

假如我的生命只剩下一天

這是豆豆的隨筆。。。 有點沉重的題目。

阿豆同細佬自己去多士買雪條

第一次自已出門口買野,又興奮,又緊張。 用遙距監察的視象模式,現代科技真好。 已經又再唸幾時出大埔買野 XD

情人節,我有準備到!

好彩趕得切送黎,新世代超級 Mario Kart,一玩就上手,仲去左村口行幾轉 XD

不要讓你的人生失去了顏色

​https://www.thenewslens.com/article/59560 在《Alike》裡一句對白也沒有,只有簡單動人的背景音樂,但是,透過兩父子的《日常》,希望大家重新思考自己在做的事情,除了「跟世界其他人一樣」,和「大人和孩子的世界也漸漸變得一樣」,還有什麼是你想過的人生?。

有種愛。盡在不言中

典解既?典解既? 連自己一個食早餐,都掛住豬 😀

小孩子的 NBA

豆豆細佬今日去打籃球,但係落雨無得打,搞到佢要上課室睇 NBA,佢話悶到爭 d 訓著左 XD

午夜踩車

型到爆 XD 夜晚食完飯去踩單車,仲食雪條,玩捉迷藏。 聽講,係考試 wor 🙂

小學生應否攜帶手提電話

今日去 Training,終於明白好多叔叔同姐姐,都係做左十幾二十年,先至去到一個高級少少既位,終於明白點解我已經係最大的恩賜。 不斷想起 Jiji,佢都想過呢個course, 佢都掉過雞蛋, 玩個teamwork, 仲話有啲人唔記得帶筆, 點知我就變咗唔記得帶筆嗰個。 係有用嘅, 會諗下自己仲爭啲乜嘢, 仲有乜嘢位可以進步,我未必做到完美的 Leader,都只係想做到一個好 Teammate。 今日豆豆中文口試,要辯論小學生應否攜帶手提電話, 佢竟然揀咗反對,好搞笑。 都唔知點解小學生就要有討論環節,大個就大把機會開會同討論啦。。。 夜晚有一齊玩煮野食 Game, 仲話我無 ipad, 唔理我了。。。 XD

有種同事。。。

有種同事,是天然呆,但令人很火大。。。 有種舊同事,明明是豬隊友,但今日竟然已經係 GM 和AVP。。。 有班同事,日日糾纏,浪費光陰。。。 有種同事,總係要人做多 d d,做多 d d… 好大打擊。。。我呢幾年,係咪白費了。。。

再忙,都要同細路玩

工作,盡是無謂的 Task,好唔 Productive。 又要照顧人地飛唔飛,仲要幫人打埋excel。。。放工先做自己既。。。

丼丼成真

今日有少少腸胃炎,又暈又唔舒服。 得番半條命,但係夜晚復活番,因為始終都係自己野。好期待呀!

第一次學踩單車

今日豆豆和朗朗第一次學踩單車, 究竟要學到幾時先學識呢? 好似學劍會學得快啲喎!

2017 CHANGE

2017 的年度主題,就是 CHANGE。 改變,才是永恆。 經過 2016 劇變之後,學習擁抱改變,才是王道。 有時候當人一無所有時,反而才無所畏懼,因為他已經沒有東西可以失去的了。 「當你係谷底時,你只有一樣野可以做,就係谷底反彈 !」 擺脫包袱和束縛,做真正自己喜歡做的事,找到一個生活上的新出口。 所以今年,盡情去嘗試吧!不要讓自己後悔。 

2016 Breakthrough 回顧

如果接下來每一天都可以這樣子懶洋洋的起床,身邊有著三個寶貝的溫暖笑容,我已經很滿足了! 今年 2016 發生太多人生上的大事,亦都無法改變的事情,深深感受對於人生的無力感。 改變,才是永恆。 在家庭上,年頭發現了爺爺患了腦退化症,良子豬大受打擊,一來這是遺傳的,二來對爺爺感到很內疚。看著爺爺由精精靈靈,變到行唔到,連食飯都要人餵,雖然大家表面上都好似無乜野,但係內心一點都唔好受。人類面對時間的考驗,係幾咁無能為力。又遇過爭 d 炒車事件,殺人王又唔行得,更覺人生無常。 在工作上,好似好有前景,突然做左 Team Head,但原來又發現,其實我從來都唔想要母儀天下,果種感覺,真係喊多過食飯,一點開心都沒有。再加上,Jiji 的離開,原來 OT 真係會 O 死人。當你只係為左一份工,令身邊所有愛你的人受傷,永遠再見唔到你,永遠無人再可以代替你,成件事真係好傻。唯獨自己所愛的人,係不可以取締的。因為 Jiji 的離開,之後又發生了一連 2 次毁滅性的 MM 事件,我真係覺得自己太天真了。而呢一份天真,只會傷害自己,同埋傷害愛錫自己的人。做一份工,做到 Check email 同 whats app 都會喊,為乜野呢。。。再加上,身邊的摯友,一個一個的辭職,我覺得自己連同佢地溝通的耐性都無,連生活的耐性都無,何必呢。。。所以,中間都試過搵下一 d 自己真係鍾意既工,睇下有無機會啦。...

單車日

琴日細佬發咗個夢,係世界末日。 咁橋我就發夢同 B 仔 friend 左,仲要勁 friend,注資比佢果隻。 細佬個夢,就話說有好大粒原子彈跌落嚟180米咁遠,我地就同細佬,麻麻,仲有哥哥一齊逃走去到個塔度。突然間,有個神比咗個minecraft翅膀我哋,仲有好多隻大猩猩追住我地。而我哋就飛嚟飛去,爭 d 比個大猩猩就嚟捉到,最後係成功逃走既。 最後一日假期,同佢地去大尾督踏單車, 踩兩架家庭車。去到堤壩,同豆豆踩緊單車嘅時候,豆豆話好想播歌呀。 回程嘅時候,豆豆唔小心比單車卡到,跌左落地,爭 d 撞到蛋蛋,痛死了,同埋嚇死我地呢。 爹爹豬話,勁驚我地好似雪球咁碌走了。 P.S. 今日係 MM 的 Last Day,又係 Jiji 的生日,感觸良多,好在今日無返工。

第 11 次的結婚週年紀念

這 11 年的日子,不在乎得到過什麼,只在乎一起簡單生活更快樂!:D #自製新海誠風 #隨手路過都有天空之鏡 #放假終於有機會做番自己 今日係同良子豬結婚週年紀念日,好鍾意睇住良子豬食嘢個樣。光明正大地錄音日記。 仲行咗沙田終於買咗聖誕禮物成千蚊嘅紙飛機,仲有500蚊嘅一舊電,超敗家既呢。

平安是福

原本爹爹豬去攞位先,跟住我同細佬,豆豆和麻麻一齊去泊車。我叫豆豆同朗朗去搵爹爹豬先,我見到豆豆好溫柔咁拖住細佬既手一齊行,好有哥哥的風範哦! 孩子長大了,有一種從心底裡窩心的感覺。

心癢癢

今年交換禮物嘅主題係心癢癢,大家都玩得好開心。 不過,最尷尬嘅位係,原來Celery 都生日,但係我哋miss咗,只係買左蛋糕比 Yan。好在有大神同manda即刻衝去買蛋糕返嚟,仲好型咁送生日蛋糕畀Celery,「好似你都生日wor!」 夜晚,去到我哋屋企燒嘢食,仲玩埋大電視( 放屁,騎木馬又自宮) 玩到一點先走,有 Teammates 係好正嘅!

當你擁有 Minions 

今日訓覺之前,同細佬講下計。 我見佢咁鍾意睇壞蛋獎門人,咁咪問下佢點解。佢話好好笑,同埋佢鍾意 Minions. 咁我問佢,如果佢有好多 Minions,咁佢會叫 Minions 幫佢做乜野。 佢話會叫 Minions: 煮好野佢食,幫佢做功課,搵個好老婆,同埋生個好 BB。 我即刻笑左出黎,咁咪變左麻麻 lor…

細佬第一次輸左一場比賽

今日同細佬參加一個全港既跆拳道比賽,之前佢一直好努力備戰。最後雖然佢輸左比一個比佢細既小朋友,但係佢 贏左一個好老師, 贏左一個可以再次戰勝自己既機會 🙂 蔡Sir 的窩心Message,真係大人細路都 arm 用 叫晴海唔好傷心灰心 佢既努力付出我地都睇到 雖然無獎牌 但有時比賽係睇個過程重要過結果 比賽有贏有輸 重要係輸左識得再贏返! 加油 蔡Sir引以為傲💪

有種理想

原來有種理想,即使你唔確定,但係你都想去試一下。 試左,都仲有種機會叫成功,但係你唔試,就永遠都無呢種機會。 我都想搵番呢一份勇氣。

你會選擇哪個窗口

今晚去打波,變左上等人同埋超級 MVP。 差唔多成場入面,有一半波都係我入既,連 3 分都入到 🙂 臨走既時候,見到呢個畫面,你會想做中銀頂樓窗口果個 定係(豪)宅區著住燈果個? 一個還在 OT,一個已經返左屋企享受真正既生活。 人生,真是一個 Total Package。

破紀錄

話說豆之前有用本簿簿記住自己既成績,今日派左數學小測 92 分,佢睇番自己進步左 2 分,超開心! 同細佬玩啤牌,佢突登出細 d 牌,話氹下爹爹豬,聽完,真係笑左出聲 XD

成長的代價

成長的代價,還需要更多嗎? 漸漸遠離的人,就是我們已經成長的代價? 今天還是未有定案,問了自己會期待這裡發生的一切嗎?

甜蜜蜜的對話

今日同兩個寶貝小談心,細佬話有女仔話鍾意佢呀,我地成班0係度起哄。 佢笑得甜絲絲,又話人地一年級已經鍾意佢,又話人地比老師話頭髮太長。。。比媽媽豬 踢爆細佬都好留意佢 XD 細佬笑得好甜,好可愛呀! 又聽下佢地 2 兄弟既小學雞對話,例如將 d 識得既人排重要度啦,最重要係 minecraft,我地先至排第 4,笑到 look 地 XD

羋月傳

最近有人結婚了,連請唔請我地去都唔問下。。。 平時就算講到有幾 friend,有幾愛屋企,都係假。

快樂何價

一瓶 $6 的吹泡泡, 二個 $30 的羽毛球拍, 簡單的小小食和公園野餐。 原來,人真係唔洗洗咁多錢,都可以得到快樂。

第一次

第一次 Google Play 的活動, 第一次去到百幾層樓高飲野, 第一次衝去主動問人拎卡片。 Enjoy! 我們都是活在小朋友的世界。 P.S. 估唔到又見到 Miu Miu…

試試築地直送

心情今日是爆的,因為比某人的所謂圓角圓形論激親。 最嬲係,幫你改左個圓形,可以上多幾多個客先。。。 果種不負責任的態度,你就會明白,點解有 d 人,一世都只係做0靚。 夜晚去試築地直送,不過築地都不敵香港的貴租,和相片爭好遠。

向 Google Venture 學習

一連 2 日的 Workshop,向 Google Venture 的 Sprint 取經,最開心係聽到以下對白: M 君:終於試到乜野叫 Brainstorm 了,感覺終於似做緊呢行了! K 君:感覺好清晰同埋方向明確左! Y 君:如果可以多 d 呢類型 discussion 就好了。 D 君:如果日日返工都係咁就正了。 L 君。。。無表態,不過發現被 assign 為 decider 既時候,內心充滿著滿滿的微笑。得到超級票既時候更加 沾沾自喜,做...

豆豆的信件傳情日

之前豆到郵局參觀,可以寄信比屋企人,佢選擇左寄比媽媽豬。原來信入面已經講到會入一間好中學,媽媽豬有點心虛,叫豆不如加埋爹爹豬啦。 🙂 可唔可以多d時間陪屋企人。。。點解準時收工都咁難。。。

其實最鍾意老夫子既係。。。細佬

星期日無乜野做,試下新餐廳,一齊去食老夫子。 經過超懷念的聯合廣場,真係發覺,當你老左既時候,就唔會再行某 d 地區同商場。 你會睇係有無得泊車,多唔多人,有無冷氣,同埋有無得 remote拎排隊飛等等。。。 雖然老夫子唔得特別好食,又等得耐,但係大人有得緬過去一下,都夠曬啦。

夜遊大尾督,吹著一號強風的日子

夜遊大尾督,吹著一號強風的日子 雖然今日天上面無星星,但係慢慢發覺,原來一直就係追著孩子既步伐,佢地就係我地一直追逐著最閃耀的星星。 #見到你的名字場景 #以秒速五厘米方式出發 #想起你我相遇的言葉之庭 #追逐繁星的孩子可唔可以踩慢d #就在雲之彼端LightPainting #幾時先有耐性同時間去睇新海誠

那些年一起跟 Project 的日子

因為阿 sai 派帖,所以又聚左出黎食飯。 跟 Project 的還是繼續跟,想起以前,佢地同阿花有幾 Friend,但係到而家已經無聯絡了,關係都經不了時間的考驗。

預祝媽媽的生日

預祝媽媽的生日!最緊要快快樂樂和身體健康 😀 #去三門仔扮去左沖繩 #Wallpaper都無咁靚 #放假除左食就係訓

即時和平也充滿著殺氣的日子

不知不覺,和平的時候,都流露著一絲絲殺氣。 很討厭那種令人窒息的氣場, 很討厭返到屋企都要做 Testing, 很討厭報 Bug 都被人討厭的感覺。。。 一切都回不了從前。。。

生命的價值

今日交易了一個好耐好耐都無用既 BB 床,價錢只係換來一個玫瑰花雪糕。 人生可以過得好平,剛剛足夠便可以了,到時便可以換回一點生活上的自由。

孩子的時光

無時無刻都在 OT,又有無人想過,浪費了很多很多的時間在無謂的人和事上,倒不如早點回家,陪下細路玩好過。 P.S. 今天開了一地血的會議。。。

慢活。科學園

新屋…

Un Co Gi 這幾星期同殺人王傾間新屋點起,今日終將去左睇塊地,不過唔係好搞得清係邊到。。看來還有漫漫長路。

天下太平之夜

好耐好耐好耐冇寫blog, 因為好重要,所以講3次。 今晚同小朋友玩太平天下,最後都係成塊板都係Minecraft 😂

Share it on your social network:

Or you can just copy and share this url
Columns/Rows
Sliding Direction
Tile Size
Tile Style
Show Panel
Grid Settings