Loading. Please wait...
show main info show sidebar hide sidebar

結婚的一刻就冇分你我

可能我是一個悲觀的人,所以往往有負面情感就會放大,想用blog另自己明白自己的感受同淡化。 你同我話告我都不是告你,你實冇煩la,那一刻,我真係好心痛,因為你認為我不會關心你,不會因為你的事而煩,但我心內只是講, 結婚的一刻就冇分你我。我願意照顧你一生,不論生老病死,雖然心很痛,而我亦明白你為了這些事好煩,不過問題係會解決,而且現在亦找到方法解決,只是錢的問題,不要灰心,因為我會係你身邊,告你的事,我都心痛,我會檢討我是否做了什麼另你有這感覺,我冇生氣,只是想冷靜,希望你明白我...淡淡的文字 沖完涼,想想之後,又繼續打,可能你會因為我回到家後,掛住陪小朋友,冇陪你而不開心,其實我是想我照顧D小朋友,而你可以休息一下,做一些自己想做的野,因為我知兩個小朋友已經係全日俾了你好多壓力,希望這短短的時間,可以俾你放鬆。 我就是一個不會講心內感情的人,所以有人會話我自閉,會覺得我精神好易有問題,但我真的不知怎樣另你明白,知道,我的愛...明天讓我去解決問題吧! 希望下一次寫的blog是開心的。

你愛我

鄭秀文出了一隻CD, 整隻碟都是講愛, 而其中一首歌”你愛我” 的歌詞好有意思, 我想用來多謝我的老婆. 她一直在我身邊支持我, 雖然現在我們仍是兩袖清風, 但唔會感到孤獨, 因為有了她, 生活不再是黑白. 好想多謝她, 她是我的最愛, 她愛我, 我亦愛好, 是多麼的完美. 已經不需要其他野了. 因為愛就是簡單. 有時有D人會問, 點解要生小朋友, 我就唸, 可能是DNA互相吸引吧! 現在有時同老婆兩個人出街, 仍會有心跳的感覺, 我都唔明, 點解咁多年, 感覺仍是這麼新鮮. 可能這就是愛吧. 多謝你的愛, 希望你都感受到”你愛我”吧. 中這一秒不再害怕會失去...

為了麻雀的一生

為左自己想打多幾圈, 就要個小朋友係街訓, 回到來話佢, 還覺得是我們錯, 佢根本唔明佢自己錯咩, 都一把年幾, 所以佢現在就有現在的境況, 唔好話自己有幾好幾好, 但你心內, 只是覺得我們做錯野, 咁你唔駛拾紙盒咁慘, 我俾返你既野你, 你可以抱住D錢. 為了麻雀, 佢失去了一個自己最重要的人, 現在佢為了麻雀, 佢再失去佢最關心的三個人. 為何仍不反省, 心內的唸法, 昨晚佢已經講了出來, 咁我們都冇謂, 繼續做錯落去, 拿回你的錢同樓吧. 為了麻雀, 你傷害了你的女兒, 到現在佢不知自己做過的事, 還是你仍要自己呃自己, 唔俾提, 就當冇事發生, 一生的失敗,...

我們的愛

我覺得我選了同豬生活, 咁你就係我, 我就係你, 兩人要一生一世都一齊, 所以唔會有負累, 唔會有咩的責任, 因為冇理由覺得自己係負累, 而且我們的愛, 就可以解決一齊,  我好開心豬可以係家照顧我們的小朋友, 我亦知放棄了好多自己想做的野,所以負了豬的應該是我, 所以我想用一生令豬開心幸福, 只是想做到這一點, 就是這樣簡單, 就好似我們的愛,  別人唔理解, 就由得佢地, 我們兩人的事, 又可需別人認同, 因為我們的世界, 我們的眼內只有對方.

送俾 Un Co gi 的特別禮物

</p> <p>Hello</p> 近期豬就來要生, 可能令到心情緊張, 所以我想做一份特別的禮物俾豬, 希望我愛你的力量, 可以俾你力量. 對你沒有任何愛語, 因為我想用我一生的力量去保護, 去愛你. 希望你可以感覺到. 我唔記得今日是結婚是第幾日… 不過我覺得每日都會特別而重要的一日, 因為我的人生可以同豬一齊. 不管時間, 只管欣賞身邊的另一半.

朋友的心, 好似永遠連不上一樣…..

近期同一個朋友吵架, 可能其他人會覺得因為一個好少的理由而吵架, 而這朋友亦唔明白點解我要咁嬲…. 其實我嬲唔係只因為這原因, 而是對一個人的失望和信任…. 我嬲係點解現實會係咁殘酷, 我俾個心出來交朋友, 而努力的想令這份友情可以更好, 想相信朋友, 想幫佢, 可惜每每都令自己受傷, 可能朋友有權選擇係日途放棄, 因為唔想同我一齊繼續去做這事情, 一來信唔過我, 二來我沒有說服佢的能力. 朋友可以選擇繼續與否, 咁我是否應該每次都提心吊膽, 擔心佢的放棄…. 我每次再同佢一齊做野… 是我信佢, 我信佢今次會唔同了, 佢唔會再好似之前咁… 咁容易放棄, 我每次都是真心的信你, 所以我會全心去做, 而每次你放棄了我們, 我都原諒你, 因為我真的當你係好朋友, 一生人好朋友唔會太多, 遇到就要珍惜,...

火爆的日子。又飛機之日

今日同小迪嘈,我地真係忍吾住了。怪只可以怪自己笨,一直以來當佢係好朋友。就係知佢成日決定吾到,所以昨晚問左佢三次,佢都話 yes。點知今日我吾同佢講阿富都一齊去,佢都吾會話我知佢吾去。就係因為 circle 講一些好吾負責任既說話,話八仟蚊一定吾夠 wor。我地都有做 research 啦,問過好多人啦,小迪係吾信我地,只信 circle。真係無野好講,絕交吧啦!再信D咁既人都無意思,只係自己受苦。無錯,可以選擇的話,我都吾會選擇一D成日潑冷水的人做朋友。 小迪最後的說話。 *helpRuby says: (下午04:21:53) 需唔需要咁樣? *helpRuby says: (下午04:22:29) 本來都冇咩. 不過, 唔去都唔洗咁ma. *helpRuby says: (下午04:23:52) 我承認係我唔岩. 應該早一點通知. 但都只係遲左幾日姐. *helpRuby says: (下午04:25:56) 大家都咁大過了, 你要點樣處理依件事,...

向大家的道歉

對不起, 大家整件事最錯的就是我, 如果沒有我去阻止小桐代杰, 可能就唔會發生d件唔開心的事, 就唔會傷害大家的友情, 唔會傷害小桐, 杰, 小迪, 同最愛的Gigi. 對不起… 一些事情往往就係有d多事的人令事件變質, 我最唔想傷害的人, 現在就由我去傷害了, gigi, 對唔住. 責任就負吧, 唔想生日的日子就失去了最珍貴的人, 對不起大家. 其他人沒有想令小桐唔開心, 只是我做了多事的事情, 阿杰, 你覺得過份, 係, 冇錯, 我太過份了, 你小桐唔開心, 令你唔開心, 我這個人可能冇咩底線, 令你們受傷了. 最錯的人,...

自己已忘掉的傷感

最近這事令自己好累, 好想冇發生過這事 ……….. 昨晚鼓起勇氣打了俾阿杰, 希望可以令這件事明朗d, 希望去明白自己的朋友的想法, 希望件事可以向好的方面發展, 對話途中我好開心, 因為我感覺到阿杰亦受苦,  覺得唔應該嬲佢,  明白佢的苦處,  我真賞試去明白朋友的感受…. 講完後, 我同剛睡醒的Gigi傾我之前同阿杰的事, 佢都明白阿杰的苦, 這時大家都好像輕鬆了. 之後阿富打來問候, 大家將事情再傾下, 同佢講下自己的感受, 最後阿富問我唸住點, 我回答佢我想避一避小情侶一段時間. 心想希望時間可以淡忘大家的唔開心la~跟住佢話阿杰打來, 咁我們就收線了….. 不到2分鐘後, 突然阿杰又打來, 拿起電話進入耳的第一句是”你有咩唔滿意你講ar?”, 我當時真係好突然, 不過既然佢問我, 我便將自己感受講俾佢聽, 佢聽完後,...

當陰影遇上唔開心

事緣係我收到兩位好朋友的 SMS,內容分別係:「我地唔好再玩呢個無聊遊戲,我唔開心」同埋「對不起,今晚真係好唔開心~因為我認為友情不是建於別人的唔開心之上~真正的愛與友情是能互相在乎大家的感受~說給你們聽是想讓你們明白我的感受~希望你們會明白~也原諒我的坦白~對不起~」。 收到小情侶的 SMS,我立刻好擔心佢地,怕會影響佢地既感情,怕好多好多既事。所以我都即刻回一個 SMS 給她:「sorry ar,令到你唔開心,我地學會體諒你的感受,亦都明白。希望你原諒我地,為了證明我地係真正的朋友,我地下次一定唔會再這樣做。」因為我認為自己作為一個活動的搞手,我的目的係希望每一位朋友都可以盡興而歸,希望大家返到屋企或者再一次想起這一個活動,都會會心微笑,都會有一段值得回憶的回憶。所以見到有朋友因為活動而唔開心,我真係好自責。我覺得自己好大責任,因為自己既大意,而傷害了別人。因為遊戲係我提議的,場地係我提供的,懲罰係我提供的,而懲罰又係我有份參與的。。。我真係唔想大家會有陰影,我真係唔想大家有唔愉快的回憶。 我真係好擔心小情侶的情況,都有同良子商量過點做好。雖然表面上,我地如常晚飯,如常買送,但內心仍然很擔心他們的情況。 接著,我收到她的SMS:「我唸下次玩些健康又開心的遊戲~唔好玩傷害大家既遊戲才是增進感情的方法~願我們能珍惜彼此~不只是我~也是你和杰和其他人也一樣。」所以我亦回了一個 SMS:「多謝你的提議~最想都係見到你地開心番,跟住下次再一起玩益智的遊戲 — 大富翁!」 但原來我心裡面,一直都有一點唔好受的感覺,直到小迪打比我,呢一份唔開心、難過、痛苦的感覺先至爆發出黎。 小迪最初問我知唔知有事發生了,我以為係當晚佢地走左之後,有事情發生,但原來係小迪都收到 SMS。同小迪傾下傾下,我自己真正的感覺,先至慢慢浮現出黎。 我真係好珍惜大家之間既友情,大家係我一生人之中,最重要的朋友。而我自己的個性,亦是好重視別人眼中的自己的類型。所以大家既感覺,我真係會放得比我自己更重要。通常每一次搞活動之前,我都會同良子傾一下有乜野遊戲可以一齊玩。搞活動之後,我地又會傾番今次搞得好唔好呢。每一次搞活動,雖然又麻煩,又辛苦,又要約人,又要用腦,又要搞氣氛,又要拾屋子,但係我都堅持搞落去,因為我希望可以維繫住大家之間既友誼,又可以幫大家製造美好的回憶。見到有朋友因為活動而唔開心,係我最唔想見到的。真的。。。係我最唔想見到,最唔想發生的。。。 原來,到發生左之後,我先至明白到一個事實。 搞活動,如果開心既時候,個個就只會 HAHAHA~ 有唔開心既時候,就會 WaWaWa。責任,都係落番我呢個搞手身上,即使你地覺得係又好,唔係又好,我都係會自責的。原來活動的搞手,每一次都要承擔一個風險,如果大家開開心心就大步誇過,如果有唔開心就要負呢個責任。 當一負起呢個責任,我真係好怕傷害左你地之間既感情。呢個係我的真感覺,但係我自己都有另一番既感覺。 講真,今次既遊戲,係大家有份參與的,係大家有份提議/和議/同意這個懲罰的,所以大家都應該有呢一份既責任。當中一定有一個 risk 係抽中自己或者人地,如果你地係唔 OK,一樣可以反對。更何況,我真係唔係明做你地既。結果,到頭來,大家既快樂就係建築在我的責任上,而我的快樂就要建築在運氣之上,要睇下好唔好彩,會唔會發生一些別人唔想發生的事情。 我唔知道,小情侶後來有沒有吵架,如果你地因為呢件事情而吵架,我作為搞手會為你們的事件而感到抱歉。就係因為我既底線定得太低,所以傷害左你地。我真係會覺得好對唔住你地。 亦都因為呢件事,令我面對自己一生人之中,最難過、最遺憾、最唔想提起的事情。學良子所講,有些傷口,永遠在心裡,難以復原,表面上又難以看見。唔係我想拉埋兩件事一齊黎講,而係因為呢件事既發生,先至令我學會,原來我都曾經被大家傷害過,我都曾經唔開心過,但係我果一次,係無得反轉頭的。 今次的事,都只係發生在平日的友誼活動(OK~ 唔開心可以唔再搞),而我發生果次,就係我結婚果日。(原來我結婚果日的...

中秋二日的這一天。那一夜

今年的中秋節,原本個個都以為要在雲朵微雨下渡過,好在天公造美,能夠順利燒野食。 每一年的中秋節,都係同老公既朋友燒野食。雖然都係同一班朋友,但係今年震撼了我心底的價值。人不可以貌相,自私的人最終將會得不到應有的愛情。 反而追月的日子,一家人睇著圓圓的月亮,感覺仲好! HOME SWEET HOME

Life was like a box of chocolates

Forrest Gump: “My momma always said, “Life was like a box of chocolates. You never know what you’re gonna get.”昨晚和老公睇人生交叉點的卡通片,令我想起呢句說話: Life was like a box of chocolates. 人長大了,睇既卡通片,都好似老成一點。長大了睇人生交叉點,有一點感慨,又有一點共鳴。 小 時候,總覺得生活周圍都是很甜美的。小時候,喜歡做的事就做,不喜歡做的事就不做。但人長大了,總覺得生活就像朱古力,有點甜但又帶點苦。喜歡做的事想做...

生命… 到底是什麼?

最近感覺就像在人生的路途上, 迷路了… 生命… 到底是什麼? 見到十四歲母親入面的生與死交錯,有人努力誕下生命,有人不惜破滅自己的生命。聽到古巨基的錢錢錢錢,人生就像要一輩子為錢而努力,為錢而費時。 我的生命… 到底是什麼? 見到無國界醫生所介紹的嚴重營養不良的小朋友,見到升到瘋了的恆指,見到學行的孩子,見到良子為工作而累懷了的胃。。。 我到底想做乜野呢? 好矛盾哦!每一天就為了維持生計,而用盡了一整天的時間。這就是生命了嗎? ****************************************************************** 良子的回應: 今天再一次聽了一公升的眼淚的主題曲… 本來再次迷失的人生又好似有回方向… 努力生活… 努力過每一天已經是可以係一種生命. 而我們有幸得到健康的身體, 所以我們想要更多. 世界的另一面, 不幸只是平常事, 如果我們置身於此, 我們又會點la? 每人都有身生存的目標, 有的人為錢, 有的人為愛, 有的人為尋找目標… 我又為咩la..? 不知道…. 我現在只想哭… 為了的只是希望令生命更開心,...

出去做野了!

明天我便要再開始打工的日子, 好耐冇打工, 但你問我緊唔緊張, 我又唔係咁緊張, 可能這兩年見識多了, 所以明天的都是少事, 大壓力? 又冇咩壓力wor, 因為都找到一份幾好的工, 希望一日會過得更好. un co gi 其實壓力會被我更大, 因為當一個人又要照顧豆, 又要做公司野, 又好似冇作為, 會好大壓力, 其實我想un co gi可以做更多自己想做的野, 同唔好咁壓力才出去做野, 所以un co gi你現在可以想做一些你想做的, 唔好俾自己咁大壓力, 失敗成功, 良子都會在你身邊, 支持你愛你, 加油!...

再一次的轉變~~~

好耐無返黎寫 Blog 了,良子在這裡好似好寂寞哦! 不知不覺畢左業又三年了,良子要出去做野了,結婚以來又一次大轉變。 感覺有點前路茫茫,雖然聽到良子要出去做野了,壓力好似減少了一點,起碼吾駛每個月果個時間就黎煩。但係見到只得良子一個出去做野,好似只係得良子一個要受壓力,要好辛苦咁。我問過自己係咪想做少奶奶呢?又好似吾係,又好似好想有作為,但係自己又乜野都吾做,想做又吾知做乜野好咁。 好希望可以為良子帶黎支持,好希望可以好好照顧豆子,減少良子的煩惱。 三年過去了,三年後又會係乜野日子呢?

Happy Birthday to Me~~~!愛拼才會贏

生日的正日終於到了,過去一年我究竟做過乜野呢?黎緊一年我又會做乜野呢? 呢幾日我都不停咁唸,究竟我想做乜野呢?做過乜野呢?雖然過去一年曾經成功誕下豆子,係我的人生之中最感動、最震撼又最偉大的事,但係我自己的事呢?好似一點都無做過。 過去一年,好似無曬動力,無曬光茫咁。真係可以用行屍走肉來形容,每一天有工作便工作,餓就食,悶就玩,好似每一天都無停過,不停做努力做,但到頭來就只有一點點微不足道的成果。 有時我真係會覺得自己好似一個包袱,成為老公的經濟負擔,連自己的生活都要佢照顧,又好少照顧豆子,真係會覺得自己好無用。 跟住我就開始唸,究竟我幾時開始有咁既唸法呢?一向的我都係光茫四射,人前人後都充滿自信,肯定自己,有目標有未來。 直至剛才同一位朋友講開昨日玩大富翁的事,先至想起。。。 「要贏就吾好怕輸!」 無錯呀,呢一句我應該同自己講。跟住我就清醒曬,無錯,就由我怕輸果一刻開始,我就輸曬了。 呢一年真係好怕輸,電話都吾敢接,乜野煩腦乜野問題都係老公同我擋曬佢。一有問題都係搵老公解決,小小事都懶得自己做。 前兩年的我呢?吾係咁既!之前我都好有理想,好有衝勁,想依靠自己的努力、才華而成功。直至發現現實同想像真係有好多出入,真係比殘酷的現實打沉左。 前兩年點解想自己出黎搞呢?就係因為果時吾怕輸,因為乜都無嘛,輸都只係輸自己的時間、金錢。 就係因為怕輸,好多事情都會未做就比自己打沉左,一黎生活壓力大,二黎受過第一次打擊的餘悸。直至最近真係自己內心承認左真係失敗了,先至真係好好反省一下。 一次的失敗,吾代表永遠的失敗,就係因為試過了,都知道個感覺原來都「只係咁姐」。我一定要重新振作,愛拼才會贏,尋找我自己的路向。加油! 再加埋今日睇過電視講關於股票。雖然我地係搵得錢少,但係感覺好實在。我想別人認同既,係我既能力,吾係我有幾錢。

又一年了,咁就又大一歲了~~~

不知不覺原來就黎生日了,又大一歲呢! 回望番自己過去呢一年,好似無乜成就咁,好似過得好 hea… 連自己個 BB 都就黎一歲了,時間就不知不覺咁過,人就在不知不覺間成長。 過去呢一年,真係好似無乜成就咁。。。 >.< 個 BB 多數又係老公照顧,工作又停左落黎。原本好似好多機會咁,但係跟住全部都無乜聲氣。 可能呢一刻接受左失敗的話,反而會好好反省一下,究竟問題出於邊度。跟住落黎既一年,吾可以再 hea 落去了,要定番 d 目標先至得了! 仲記得年頭既時候,同老公一齊訂下一年既目標,到而家都過左半年了。好似一樣都未完成。 Eureka 要加油呀!

Perfetto X 幸福之美味

今日良子親自下廚,味道就是 Perfetto X 幸福。。。 事緣就是有一天,良子在書店中見到一本叫做”半飽”的書,創新的煮法、Fusion 的味道,佢就被深深吸引著了。又常常嚷著要買這本書,不過對於我黎講,都係全飽又美味當然最好啦,所以我都無大興趣。 到今日,見到良子認真咁選擇菜色、材料,我都被深深感染了。有老公親自下廚,烹調美食,夫復何求? 品嘗美食後的感動,好深刻。果然如書中所述,未親自體驗烹調食物,又點知乜野係好、乜野係唔好。好記得果個 15 分鐘的蛋黃醬、Flash Flash 的生菜卷、豆豉魚魚。 多謝老公帶比我輕盈的美味。總覺得我們之間的熱戀期,永無休止,戀愛的味道,就像Flash Flash 的生菜卷,有點甜、有點苦、有點新鮮。

愛是。。。

前陣子家中搞了一個復活節 Party,邀請朋友相聚,晚上來一個盡訴心中情。 原來一向認識的兩位朋友,對感情都是很認真的,心裡很佩服,覺得佢地可以為愛情付出至咁既地步,很偉大。(不過我老公都是第一偉大的人) 之後聽到其中一位朋友的女朋友發言,很震驚,其實原本就是我的好朋友,但剛聽完別人的偉大發言,作為女朋友的咁樣講,實在有點那個。 之前覺得佢地格格不入之處,今日浮現曬上黎。原來,大家道路相同,但目標不一致。原本以為佢地好有希望,但原來有咁大分歧。 相愛的確很難,有時見到佢地咁樣,又會覺得自己好幸福。 快樂其實可以好簡單,只欠大家行多一步。 可以遇上良子,可以做良子的妻子,好幸福。

情人節。前篇

今日都算是我們預早慶祝情人節的日子。。。事緣。。。 昨天家中來了一個新櫃子,收拾、清理、掃除不必要物品之後,突發奇想,用我地過往的生活照來粉飾櫃子。 點知,一開盒子,一個個豬仔利是封就吸引住我了。原來係老公買禮物比我的贈品呢!果一刻好感動哦!滿腦子都是淚光呢! 由於我突然搵到禮物的關係,所以今日就慶祝了! 比 Nacom 騙過後,又食過大餐後,很滿足,多謝老公。 老婆豬返黎了。

我願意成為你的 Cooking Mama

老公,我愛你!你就是我生命的全部。 大家認識多年了,我知道你一向了解我。以前,就曾經有好多想做,想有好多作為,想被人肯定,想被人認同。 就算都今日,都想比全世界都知我地既產品,都想公司可以成功,都想事業有成。 漸漸發覺,我的過去是你、現在也是你、未來都是你。 你就是我的一切,你就是我生命的全部。原來,一直以來,我都很想為大家共同的理想加把勁。 為了你,我真的願意成為最平凡的 Cooking Mama。放下野心,放下鴻圖大志,成為你身邊的小女人。 我的理想,願意交給你幫我達成;我的將來,願意交給你掌舵。 滿腦子也是你、滿心也是你。 Un Cool G 回來了。。。 原來幸福就是這麼簡單。

高呼 Rocky Rocky Rocky

今日既分類, 好難仲定為 “e 一日” 定係 “e 果我”,因為實在太多啟發了。 難得可以同老公一齊出去睇戲,好開心!我地睇左 Rocky,雖然我未睇過之前果幾集,對呢類型既戲又無乜興趣,但係睇完之後好多啟發。 主 要內容都係講述 Rocky 原本已退出拳壇,但係為左可以再見返佢老婆(

女神門

一向都是深雪的 Fans,最近睇完了《女神門》的作品。 喜歡深雪的小說,因為當中經常加插不同的神話傳說背景,神話哲學都是我的摰愛,這是老公和我的小秘密。深雪的書,很感人,文字到位之餘,又淺白易明,閱讀過程中輕易想像故事情節的畫面。 女神門,每一位女孩都可以成為女神。聽起上來很動人哦!故事就是帶點悲慘、色慾、又有點勵志。我都想找到屬於我自己的女神門哦! 女神門就是想像自己可以得到的未來,再用辦法去實現佢。女神就是有那份無所不能的傳奇力量。我究竟想要乜野呢?我都想好好想清楚。 我想要一個幸福快樂的家庭,我希望我的老公可以分享我得到既幸福 (

坐這山。望那山。都係山

昨日同老公同埋三位好朋友去行山,準確來說,是爬山。。。 好耐好耐無做運動了。晨咁早,六點起身,六點半裝身,七點出門,沙田集合,西貢出發。 老實講,今次都係陪玩性質,我連考地圖的 Geog. 都不合格,體能都係五個中最弱的。 雖然行得好辛苦,途中有密林,我地都只係行左獅地、涌沙頂兩個小山頭,不過都係值得既。 上到山的感覺,一流。感覺好輕鬆,人類好渺小,壓力無曬,煩惱無曬。 感覺好似再同老公去了一次旅行。 下次有機會的話,想試多一次。

香港。就是一個金錢掛帥的地方

經常聽到學生們選科、畢業生的就業情況,選科最熱門的總是 BBA 等商業項目,以為讀個 BBA 就可以做老闆,就業的就選最賺錢的金融行業,試問香港仲邊有理想可言? 好難相信有學生選擇金融行業是為理想不是為錢。 選自己喜歡但又冷門的科目,就被評為無出色可言,試問如何實踐創意、科研? 窮,真的讓人感到害怕。怕得令人理想都可以忘記了,怕得令人生活很無安全感,怕得令人甘心做金錢的奴隸。 發達了,除了錢、除了物質,還可以得到什麼?下一步,想要什麼?更多錢?到處可以找到商界奇才,但就沒有藝術人才? 很怕、很怕,很怕那種用金錢填滿生活的感覺。 人出色在於靈魂,而非擁有的金錢。 難道人的生活經已超越頂點?我們不再需要愛迪生、畢卡索?只需要 Bill Gate 和李嘉誠? 窮,的确是很可怕的问题….无论在那里都解决不了.当你赚到你现在目标的钱的时候可能你会发觉原来自己还是窮人一个…. 看开点.钱,是不过是钱.跟多的钱不只不过是钱. 有些人窮得只有爱情.有些人窮得只有信念.有些人窮得只有一个可怜的家.更有些人窮得只有钱…. 生活过得去,身体健康就可以了…. 現在的新一代, 他們覺得的偉人是Bill Gate, 李家誠, 問他們為什麼覺得他們是偉人, 為什麼想變成他們, 新一代便會宜說:有錢, 有勢. 錢令人的靈魂不再純潔, 有好多的錢, 但轉頭一看,...

你願意為你的理想付出幾多?

最近見到網上面流傳著別人的漂亮相片,真的很漂亮!他們不是職業攝影師,他們都只是喜愛拍照的人。 漂亮的,不只有相片中的人和物,漂亮的,還有攝影師的靈魂。 他們每一個鏡頭,每一個動作,每一個構圖,都經過悉心安排,為的只想影一幅漂亮的相片。 幾經辛苦完成的作品,不能為他們帶來名氣,不能為他們帶來金錢,只有那一份完成了的成功感。 再 回望自己身邊的人,甚至社會上的人,好多時都會唸,「點解發達果個吾係我?」、「點解無人欣賞我?」、「點解會咁窮?」、「點解我吾係老闆?」等等等。 其實大家都有自己想做的事,其實大家都想去追尋自己的理想,可惜往往實現吾到的時候,就只怪身邊的世界吾容許自己咁做,就只怪周圍無機會比自己,就只怪幸 運的人不是我。。。但有冇怪過點解自己吾行出呢一步? 其實,你願意為你的理想付出幾多? 要實現理想,要做老闆,要發達,其實只要一步。只要願意行出艱辛的一步,理想總會實現的。但係要行出這一步,又要放棄穩定的生活,又要放棄固定的收入,又要放棄很多很多。。。 正如真矢老師教,既然第一條路,第二條路都吾想行,點解吾搵第三條路行? 人人都只見到閃閃生輝的成功面,但係又有邊個會發現成功背後真的有血有淚呢?! 只會將理想掛在口邊的人, 唔去試, 又怕失去自己擁有的, 到最後後悔自己未試過, 真的想人生就是這樣? 人生只要幾十年, 未去試過, 未去努力過, 只怨身邊的人和事, 又有曾去試過走過他, 看看另一個新天新地呢? 雖然未必成功, 但最少你可以當當正正對人說, 你的人生做了一件你想去做的事. 知足常乐!!! 不是踏出第一步就会成功的.很多时候你踏出第2步...第3步.....即使你肯踏出第4步都無你想要既野. e个社会........ 好多人都有你所讲的那种勇气....志气.....但更多人是背着很多不能放下的行李在漫走人生路的.........

尋找愛情

回想以前,同老公仍是朋友、仍是同學的時候,當時,我地係女追男的。無所謂、無所謂,反正我一向都相信,要得到真正的愛情,就要問一問自己負出過什麼。 當時我地都經歷過一段段好黑暗、好難過的時期,果時身邊既女性朋友都會問我,做乜要繼續落去。 有時為了愛情,就會變得不顧一切,就會變得盲目。 當時,大家都唔睇好我地,都唔明白原來我地背後有強大的感情力量在牽引著。 到今時今日,我很高興當日的堅持,當日的努力,幫我搵到一個好老公。 白雪公主,都會有愛上小矮人的時候。 ※※※ 再唸返而家,有時好多人都為愛情考慮太多了,又考慮人地既背景,又考慮人地照唔照顧到自己,又考慮xxx。。。 究竟,”真愛”需要幾多底薪先做到呢? = = ” “擁有同樣寄望  彼此亦有苦況” 是張敬軒的笑亡書的歌詞, 令我有種回味的歌詞, 每人都有自己想做的, 想要的, 而有些人得到幸福, 得到自己想要的, 別人只會看到表面, 可又知道他人背後的付出…. 有人想追求真愛, 看似別人已經擁有, 自己便不滿現狀, 可有問自己為這份感情付出多小呢? 有人想得到別人的認同, 抱怨別人不給機會, 可有問自己為這份工作付出幾多呢? 有人想擁有自己的事業, 抱怨自己的擔子不輕,...

成長中目標‧目標成長中

回想以前, 返學了,好鍾意同朋友們好活躍的搞下活動,搞下學生會。果時朋友會話我野心好大,無錯,讀書的時候,就想努力搵一個可以讓自己盡情發揮的好地方。畢業了,出來做事了,搵工見工做工,心中好想好想幹一番事業,好想好想做好的作品,好想好想有人認識我的作品,好想好想得到別人認同的辦事能力。 結婚了,就在披著白色頭紗的一天,看著老公,心中只想做一個好老婆。只要是老公想做的事,我都會努力支持佢。 生仔了,望著剛出世的可愛小豆子,即使身心疲累,都想做一位好媽媽,把小豆子養育成材,成為一個頂天立地的男子漢。 成長中目標‧目標成長中 人經歷不同的生老歷程,目標亦都會因應而改變。可能事業心重的我,未必接受到樂於做家庭主婦的我。可能目標有冇達成並不重要,最重要都是為目標努力奮鬥的過程。 人生有好多可能, 回想起之前都冇唸過會咁早結婚生仔, 但我有想過我之後的老婆會是什麼人…. 而現在就好似我想的一樣, 她的好, 是我要找的, 幸運已經在身邊, 珍惜是我現在最想做的. 人生有好多目標, 不同的時候, 有大有少的目標, 家庭的目標, 事業的目標, 我正努力的衝去, 一起加油, 好幸運路上有你的陪伴.

你的支持。我感受到!

一份支持、一份鼓勵,唔需要常常掛左口邊的。只要很簡單的一舉一動,已經勝過萬語千言。點解我會咁愛你?除了你的細心,用心細味一切感情,對家人呵護備至等等,更可以為女仕提供紙巾的時候,充份揚開紙巾,表現那份失傳的 Gentleman 風度。令我真的很愛你。 今日更加發現你悄悄將我做的網頁設定為首頁,這份支持、這份鼓勵,令我很感動、很感動。事緣只是我一句說話:「呀,好似無乜人瀏覽呢,好等我自己日日 Reload 一佰次先~~~!」其實你已默默支持我的行動。你告訴我呀?如果呢一世,唔喜歡你,我可以喜歡邊個呢? 我愛你呀,老公!錫曬~~~! 多謝你的欣賞, 多數你的感動, 世上都沒有什麼人會欣賞我, 正因為你的欣賞, 我們開始了, 現在結婚了, 有了豆豆了, 我不愛你, 又可以愛誰?

超無同情心的兩個人

我唔認識呢兩個人,亦都唔想去認識呢兩位小姐,因為佢地太無同情心了。 事緣上星期五的下午,我同老公帶埋 bb 一齊撘火車,為方便起見,我地手抱住 BB 啦。點知車上大多是公公婆婆和內地人,所以我地都唔期望有人會讓座比我地。去到大學站,剛巧有兩位小姐下車,我地唸住埋去坐低啦,因為 bb 始終都太重了。點知呢兩位粉紅色的小姐二話不說就衝左埋去霸住左兩個位,唉,真係火到黎。呢兩位小姐真係無 d 同情心,手腳健全仲要識行識走都唔識讓座予有需要人仕的道理。仲要坐低左之後,扮曬見唔到係佢地面前既我地咁,0係度周圍望,又扮下望電視,又拎本英文既 說明書出黎睇,係點都睇唔到你地 ga la,真係耐佢地唔何。 真係嬲到要拎部相機出黎,影低佢地呢副德性。真係要時刻提醒住自己,就算好似佢識咁多英文都無用 ga,做人都無 d 同情心既。真係識幾多野都無用。 再唸下唸下,父母係乜野人,小孩子就係乜野人,每個人都有佢自己既結局。難怪而家有 d 小朋友真係…… 令人髮指!

Before 豆子成長物語 @ 肚子裡

@ 18/5/2006 家 當時的小豆子就在這個又圓又大的肚子裡, 距離預產期還有一個月, 好多人見到這個肚子都以為是雙胞胎呢。 生命這一刻就在肚子裡躍動起來

三十幾歲父母供養族

我家中有一個”三十幾歲父母供養族”。。。 所謂”三十幾歲父母供養族”即是到三十幾歲人,都在家中無所事事,又唔出去搵野做,日常生活起居飲食都由父母照顧。唉。。。我見到佢咁樣,有時真係好嬲,但係一想到佢既將來,又會覺得好可憐。 世界上,每個人都有自己的結局,係乜野人就會有乜野結局。 佢成日都持住自己個樣,都好似二十幾歲咁,就成日群埋 d 十幾二十歲既一齊玩。連個男朋友都係細佢十年既,真係想像唔到佢既結局。 點解今次咁火?終於要講出黎呢?因為我覺得佢太過份了,平時中午同我地食飯,自己食完就走左去,碗都唔拾又唔洗。點知昨日又要同媽媽告狀,話我地食完飯唔拾野就走左去。我知佢明做我地 ga!如果真係要我地幫手,做乜唔出聲姐?佢出到聲我地一定幫手 ga,最重要我係覺得佢 handle 到,先至走啦,因為我地仲要去照顧 bb ma。點知佢又特登等你走左,先至告狀。 平 時我地又幫手拾野、又幫手洗碗又唔計既,係做得唔好少少,就要即刻話人。又唔見佢話下自己個男朋友,係度食係度住,又唔比番 d 家用屋企,又唔幫手洗下碗,仲要成日話自己日日都買一佰蚊餸好巴閉咁。點知 d 菜買番黎都唔知有冇一人一條。雖然話就話佢既生活費都係佢男朋友比既,但係佢男朋友0係度食0係度住,水電費都係媽媽出啦,唔知點解要媽媽幫人地養埋仔 lor。仲要佢男朋友個媽黎到,見到佢住咁細間房,好似好萎屈佢咁。真係都唔知有冇搞錯! 唉!今次我真係好火好火呀!忍佢好耐了,但係見佢 點到係長輩,都無乜點出聲,媽媽又叫我唔好咁斤斤計較。我就係唔同佢計較先至今日先出聲。佢自己就成日都唔聲唔聲拎左人地 d 野去用,又拎左人地部電視機,又拎左人地 d 遊戲機,鍾意拎去玩就拎去玩,搞到人地無曬 Save 一句 Sorry 都無。成日講到自己好忙好多野做咁,點知就係日日睇電視同埋打機仲有講電話。我就係唔同佢計先至無出聲!剛剛生完仔,又唔想媽媽咁辛苦,想叫佢男朋友幫手...

在孩子的面上停留五秒

試一試在孩子的面上停留五秒,感覺很奧妙呢。。。 由最初在我的肚子裡,動動動,到現在,會對著熟悉的人笑、肚子餓又會哇哇叫。 生命,真的值得令人喝采。總覺得生下豆豆就是我一生中最有成功感的事呢。 決定生下孩子,得到的一定會比失去的多。這個道理相信只有能下決定的人才能明白。 決定生下孩子,得到的一定會比失去的多。這個道理相信只有能下決定的人才能明白。~~~我會慎重考慮你這句話! 說得對~小寶寶都是生命,點可以話唔要就唔要嫁….我家姐現在都係一個孕婦~開頭成日都話 好辛苦唔想要~不過都無唔要..現在都5個幾月了,到時等佢生左個bb出黎佢就知度有幾好!!

父母係乜野人 = 孩子係乜野人

前幾天同老公一齊聽收音機,係關於”蘋果橘子經濟學”的一本書,入面主要透過一 d 統計數字,打破一般人對常識的誤解。 當中提及孩子的成績以及父母的關係,原來孩子的成績係受父母係乜野人既影響最深,而同父母做乜野係無關係的。 例 如:父母的知識水平、社會地位將會造就好成績的孩子,但係孩子參加學前班、定期同孩子參觀藝術館就好少會令到孩子變成好成績的。雖然我唔知道當中的真與 假,但正正反映了現代家庭有一個現象,就係好鍾意迫 d 小朋友去參加好多課外活動,又學好多不同既技能,又參加好多好多學前班、面試班。 而家做了媽媽,更會好好想這個問題,這些真係會有用嗎?都經已有好多校長叫家長唔好帶小朋友去面試班、唔駛做幾寸厚的 Portfolio,因為答出黎既答案好行、Portfolio 根本就無時間睇。又唔好迫小朋友參加咁多課外活動等等。 我覺得教育小朋友在現代的社會好似變左質,我始終覺得小朋友的品格都係最重要,小朋友既處事方法、小朋友既態度、小朋友面對困難的反應、小朋友同其他人相處。。。等等。 所以,希望我既豆豆可以學會做一個頂天立地既人,做事對得住良心、做事對得住人,我經已好滿足了。

※老歌伴星河※

最近同老公經常在家中”老歌伴星河”,感覺原來大家未相識的時候,世界都有一點共同的地方。始終都係以前既歌,越聽越有味道。 有時這些歌曲,就顯示了歲月的流逝吧! 推介歷年的十大中文金曲,總有一點年代的代表性吧~~~ 1991年度 (第14屆) 每天愛你多一些 張學友 | 一顆不變心 張學友 | 一起走過的日子 劉德華 | 愛不完 劉德華 對不起,我愛你 黎明 | 秋去秋來 葉倩文 | 愛上一個不回家的人 林憶蓮 | 信自己 杜德偉 AMANI BEYOND |...

心情低落的時候

今晚同Un Co Gi吵架, 心情有點低落, 我不經意的說話, 令她傷了, 令她含淚睡著, 而我又像往常一樣, 要照顧豆, 沒有陪伴她入睡, 生活日覆日, 好像有沒完沒了的工作, 有沒完沒了的家務, 令自己的情緒受到壓力, 好容易就燥, 但我對著家人, 我不會發洩出來, 因為我知是不對的, 因為對自己重要的人, 應該學會珍惜, 因為我知幸福唔係必然的, 我唔希望對她發脾氣, 但人的情緒真是很難控制, 希望你會係夢入面聽到我的對不起, 原諒我…

回憶的季節

這兩天的天氣涼了,很清爽,正是九月的季節。。。 風的氣味,乘載著昔日的回憶。。。令人不禁懷念起來。。。 就在這個季節,遇上了昔日的戰友;就在這個季節,各人沉醉在選舉的氣氛; 就在這個季節,快樂的暑假完結了;就在這個季節,上學的生涯又要開始了; 就在這個季節,在同一個巴士站等著同一個人。。。 最喜歡這個季節,不熱不凍也很涼, 在碼頭透露著我們的理想, 在球場上觀賞著都市的繁星, 在家中享受著 The Sims 的樂趣, 在飯桌上享用著溫暖的家常菜。。。 感情的紅線,可能就在這個季節建立了。。。 感覺很清新,但又有一點蒼老的味道,畢竟人長大了。。。 微風吹來,帶著想念昔日友人的味道。 這風的味道真的好懷念,  這味道包含了我的人生的點滴, 有朋友的味道, 籃球的味道, 自由自在的味道(不竟讀書時, 是最冇負擔的), 有知己的味道, 有愛的味道, 有幸福的味道, 人生的甜味都在這季節中漂蕩著, 在IVE 的第一年, 這氣味令我的人生開始改變了, 識了一班最好的朋友,...

遇上你。。。是我的幸運

其實呢個內容,好耐之前已經好想好想寫了,不過怕引起其他人既過敏反應,所以到今日先至寫出來。 由古巨基剛出道開始,已經喜歡聽他的歌,正合我這個年紀吧!古巨基總給人一種鄰家男孩而又很溫柔的感覺。連我同老公結婚的短片,都係用古巨基的”一生何求”呢。。。 前 天,晚上發了一個夢,發夢古巨基同我求婚哦!呀!夢境就是如此美好的事,連在身邊夢中的老公都說:「你要是決定了,就去吧!」果一刻,感覺如此真實,望住 夢入面的古巨基,從佢既背後,聽到好多好多好喜歡的歌;望住自己的老公,一段段昔日的片段,就擁上心頭。唉呀,即使只係夢境,都想試一次哦~~~! (

平平淡淡的生活

今天沒有什麼特別, 但好似好耐冇寫blog, 而un co gi又唔再係道寫blog, 所以我寫寫令這有生氣點…. 最近個人好似有d火, 唔知係唔係太多野做, 又冇咩時間玩, 生活忙到冇時間俾自己停下來, 同un co gi結了婚都就一年了, 這一年真的過得好快, 回想今年的事, 擺酒, 註冊, un co gi 生豆豆, 好似人生中最重要的事情都係今年發生了, 同un co gi一齊過的時間特別快, 現在忙得令愛忘掉了, 停下來寫一寫, 令愛變得實在點, 現在我要去睇豆豆了, 下次再寫吧!

聚首一堂

童年的回憶,今天擁上心頭。。。小時候,我的公公最喜歡和我一起去飲下午茶。每 逢暑假,每一天的中午,即使餓到肚子咕咕叫,都要等都下午兩點半,先可以叫第一籠點心。原因,就是下午茶的點心,平很多。有時,甚至會帶我撘一個小時的巴 士,撘到當時仍是荒蕪之地的馬鞍山,就是為了一個下午茶。其他的孫兒,都沒有我這麼好耐性,大家都試過等下午茶之苦之後,都怕怕了,都情願問定媽媽要一些 零錢,自己食個麥當奴好過。唯獨是我,好幾個暑假都跟著公公走。。。 婆婆在我還很小的時候,就離開了。家中,只餘下公公一個,每一天的生活,都是如此有規律,早上就出外散步晨運,中午就和我食個下午茶,晚上就為大家準備一個豐富的晚餐,每天如是,日日如是。 相信,眾多的孫兒裡,我就是和公公相處最長時間的一個。公公常常和我分享他的威水史。例如曾經領取過當年的港督頒下的好市民獎、和婆婆一起去禮賓府等等。 想當年,我的公公是一名建築師,在於當年的學術水平,是很棒呢!他告訴我,當時我們所住的唐樓,就是他畫設計圖的,他特別把地基建得深一點,讓我們遇上大地震也不怕。他特別把樓底起得高一點,空間感多一點。在我和公公的眼中,這個唐樓就是如此與別不同。 作為一位建築師,我相信,我的公公認為人最重要有一個家,當年公公為大家建立這個家,就是為了讓我們在外面即使遇上什麼事情,都可以回到這個家。最起碼,都不至於無家可歸。公公希望為我們,盡這分棉力。 可 惜,今天聽到大人們,個個都吵嚷著要把這個家賣出去了。那些平時也不會問個好,在外國遇上困難就回來借錢的傢伙,更要狠狠把這個家賣出去了。她連這個家的 意義都不明白,更無權利說出這個說話。所以,很氣忿。她只會嚷著在香港的人就可以分享這份利益,在外國的人就不可以。我就想,她要分一杯的話,就回來香港 吧!就回來這個家,住下來吧!這個家不是大家遇上困難就隨便說句要賣掉的東西!賣掉了,除了錢,還可得到什麼?賣掉了,困難時連個家都沒有,還可以去邊? 這個家,是公公為了保護他的子女的最後防線,他建立這個家的時候,我相信他從未想過有人要把這個家賣出去了。 今天,公公、婆婆和兩位舅父,就在天堂聚首一堂。 上一代, 不明白你公公的心意, 下一代不明白自己父母的心意, 共處時大家都不珍惜, 分開後只會後悔, 人與人只為了錢, 人生真的只是這樣? 只要有錢便是勤力, 便是孝順? 每當大節給父母錢, 平時就唔會陪父母, 這是大孝?? 平時只可以陪伴父母, 沒有能力給錢的, 就是不孝?? 自己破壞家人的關係,...

力不從心。Designer 之死

人總會遇上力不從心的時候,過去的一星期,我都在這份感覺中徘徊。。。很多很多 Task 要完成,很多很多事要做。。。感覺總是做整個星期也做不完。 感覺很累,最終一半的 Task 都未完成過。就算每天都努力面對著電腦,每天每晚都做,感覺總是沒完沒了。最怕一個 Task 拖成個星期。。。 每天都面對著四面牆,靈感的來源斷絕了。Designer 之死。。。 有 時,真的好想做一個農夫,或者做一個 Programmer,每一天的努力,進度極慢至少都可以向前行一少步,或者多幾十行 Code。雖然 Designer 的努力,往往由旁人目測就見到了。雖然旁人常稱讚美麗的構圖,往往無人稱讚完美的 Code。但係背後負出的努力,有幾多人會知道?一個簡單的構圖,背後花了幾多心血?有時面對著電腦,一幅圖都做不出的感覺,又有幾多人會明白? 我不會放棄的!難得遇上自己喜歡的工作,可以做自己喜歡的事。我會好好把握,我會好好努力。 我愛這份工作,我享受這些煩惱,我沉醉這份感覺。即使 Designer 要死了,都要含笑而終。 這幾天大家的進度都好慢…. 我都好心散, 做了一個星期, 都只是寫了一隻mini game, 好慢, 我真的接受唔到自己的進度, 好想做, 不斷做,...

二百年後再一起!

 最近迷上無線的劇集,鳳凰四重奏。感覺不俗,節奏很快,故事有趣。 看到這個故事,就令我想起,人,係咪真係會有下一世呢?咁如果,今世我可以同老公開開心心一齊,上一世,我地又係一個乜野既故事呢? 回想從前起來,以前都曾經”姑”負過其他人的心血、其他人的厚愛,亦都曾經傷害過別人的心。我自問唔係漂亮,都算肥,又大癲大肺,之前好長的日子都係讀女校的,基本上有得拍拖都算好好彩~~~ 今世唔可以同其他人厚愛過我的人一齊,令我想起一個故事。。。 前 世的我,就無親無故的赤裸死在路邊,然後有一個好心的過路人,除下自己的衣服,蓋在我身上然後離去。這就是今世其中一個厚愛過我的人。如是者,有一個又一 個經過的人,對我的屍體好過~~~ 最後,有一個過路人,不但捐出佢的物料。更好好地把我安葬起來,這就是我今世的老公了。 可能今世就是為了報恩,而發生這段情緣吧! 所以如果遇上所愛的人,不能共你走到幸福的結局,就只好當自己上一世只做了平凡的過路人吧。 希望二百年後再一起!再一起! 我相信緣份, 同你一齊的自然, 是一種無法用言語去形容的事, 上一世, 我們可能曾經相遇, 可能相恨, 可能相愛, 緣份就是一點一滴的累積, 今世我們走在一起, 經歷一生一世的事, 可能下一世我們便只是默路人, 所以我珍惜會一刻與你共存的時間, 有時回想起與你一齊的事, 都由心內感動, 真的好幸運會遇到你, 多謝你的錯愛.

濕疹 @ 豆豆

最近我個 B 的額頭上面,生左少少濕疹哦,係一個好似奸商的醫生話我知的。 Oh! 係我最鍾意親吻豆豆的位置哦!太危險了,隻藥膏仲要話只可以外用、不可內用。 成日都唔覺意就親吻左落去了,HAHA~~~ 今晚要幫老公”查”藥膏!!!

愛得太遲

人長大了,聽到愛得太遲真的別有一番風味。。。 我過去 那死黨 早晚共對 各也紮職以後 沒法 暢聚 而終於 相約到 但無言共對 疏淡如水 日夜做 見爸爸 剛好想呻 卻霎眼 看出他 多了皺紋 而他的蒼老感 是從來未覺 太內疚擔心 最心痛是 愛得太遲 有些心意 不可等某個日子 盲目地發奮 忙忙忙其實自私 夢中也習慣 有壓力要我得志 最可怕是 愛需要及時...

如果人生只可以做一件事。。。

如果人生只可以做一件事。。。περιμένετε 你會做件乜野事呢? 我 呢。。。煩惱很久哦~~~ 最初在想,如果人生只可以做一件事,相信我會煩惱一輩子吧。直到有一天,我問你的哥,他告訴我,如果人生只可以做一件事,他會好好認識一位朋友。只有認識 一位朋友,才能好好證明自己在世界上生存過。到那一刻,我才清醒過來,人生要煩惱的事,一定比人生擁有的時間更多。如果一輩子都活在煩惱中,到頭來一事無 成,相信必定會鬱鬱而終吧! 這就是我希望和你哥共渡一生的理由。 περιμένετε,”零”願為做錯抉擇而改過,總好過從未抉擇過。希望你可以搵到你想走的路。 引用自:http://hk.myblog.yahoo.com/jw!F54IgQqbExJGmCvN0dNuKbwS/article?mid=102

不要做令自己後悔的事!

今天這個家發生了晴天霹靂的平常事。。。 晚飯的時候,爸又跟我們作一個平常的訓話,今次媽終於沉不住氣了,見到我地常常都努力到夜深,仍要接受這些無理的訓話,所以就跟爸吵起來。 人窮,更需要骨氣,這樣人的靈魂才更珍貴。但為什麼每一次爸都要踐踏著別人的底線呢?他要做一個邪惡的笨好人嗎?利用大家既關係,去激勵唔長進的小孩子?為什麼大家都要做一些會令自己後悔的事? 將來的預想: 今次爸媽吵架,最後以媽不再找爸為終結,”要搬走才開心嗎?”爸最後只掉下”給我一個日子”便走了。 預想開始: 媽不再找爸,到生活安定下來便離開這個家。我們一向都跟著媽媽的,所以也一起離開了,可能到將來該到來的日子,我地會後悔沒有好好在爸的有生之年盡孝之道。媽都可能會後悔一氣之下拆散了她一直維持的這個家。 一向都覺得寂寞的爸,今次之後將會更寂寞。連原本都會得閒同佢飲飲茶的一家大細都走了。生活只會變得更寂寞,身邊只圍繞著懂得虛偽過活的假人。令人最寂寞的感覺,莫過於連想照顧家人的機會都沒有了。可能有一天佢會後悔今天講過過份的說話。 老公講過:「如果報應咁快來到的話,就不會有人做壞事了。」既然如此,難怪今天大家都做著令自己後悔的事。 可能爸一直以來,都想懲罰自己,明知道這樣說,大家都會很氣忿,都會很想離開佢。但係佢就是要懲罰自己,怪自己當天沒有好好教我地,到今日的田地。可惜,人都長大了,已有自己的個性,並不是單單幾句說話就可以改變呢。。。無奈。。。 你爸講的說話雖然過份, 但我們始終是用了他的錢, 所以我都冇野野好講, 因為佢最可以留住其他人的就是錢, 如果有一日佢連這點都沒有, 佢身邊就唔會有人再有人關心佢了, 佢的為人大家都知是怎樣, 佢根本只會用錢, 價值去量度一個人, 佢只會傷害關心佢的人, 你媽媽愛他, 但佢傷害她, 最後傷害了她的一生, 而你, 佢傷害了你的童年, 令你沒有了一個幸福的童年, 現在佢又傷害大家, 結果是怎樣, 我不知道, 但我知道每個人心底真的不再愛他了,...

由心底裡感動出來!

這幾天都在外面過,很累很累,昨天行了很多地方,很累很累,又做了很多事情,很累很累,回到家又要照顧 BB,更累更累。 老公比我更累,因為又要幫我收拾行裝,又要照顧B~~~ 累極之餘,他還記起幫我整番昨晚壞掉的生日熊,很感動。當他晚飯的時候,俏俏在我眼前展現整好的生日熊之後,真的很感動,感動得想掉下淚來。 我老公,就是如此細心。。。無論生活幾忙碌,身體幾勞累,他心入面總會記掛著我的事情。即使已結婚了,所做的事都不會比拍拖的時候少,總不會懶惰下來。 我呀,真是內疚哦~~~明明昨夜被他弄壞生日熊的時候,仲想生氣。。。 如今見到我的生日熊,很感動,都會想起他的細心和溫柔。 男人呀,女人也很簡單的,不是只愛鑽石和 Plasma!!! 沒有什麼可以代表疌的愛, 只可以說一句 ” 我愛你 “.

Data Centre 初見面

今日第一次見到傳說中的 Data Centre,Data Centre 就是那些存放 server 伺服器的地方。 從 SKK 先生中聽聞這是一個鬼域,無人、無物、只有冷冷的空氣。今日聞名不如見面,果然只有機械聲隆隆作響。亦都有幾個像鬼魂般工作的人仕,大家也像失去了靈魂。 後來,我和我老公討論過,點解個個都會工作得咁麻木呢?佢話,個個對住部 server 仲邊有感情可言呀,server 的世界就只有 command、得同唔得,救番部 server 都只係好平常的事,仲點會開心或者唔開心呢? 唉,我覺得如果 server 都多一點感情就好了。不過老公話,server 多一點感情,可能到某一日,就同你講句「我累了,要休息」OH! 咁世界就完了。

惡魔喜歡吃蘋果

大家有睇到死亡筆記嗎?話說男主角得到一本可以殺人的筆記,而當中的惡魔就很喜歡吃蘋果。 再想想,我今天的故事就是要說說這個蘋果。古時亞當同夏娃就係因為呢個蘋果就被逐出伊甸園、牛頓亦因為呢個蘋果發現地心吸力、白雪公主都因為食左蘋果先至死左、連 Hello Kitty 都最鍾意食蘋果。。。 今日我都因為呢個蘋果作出一個重要的選擇,「蘋果 100」!點解叫蘋果?因為 Apple for A & A for Alpha!!! 希望以後透過呢個蘋果,可以紀錄更多關於蘋果以外的故事,所以蘋果就是開始! 多謝老公!

星語。心願

今日難得一家人好有雅興咁行左出去花園睇星星,原來只要你願意抬起頭,天空都可以那麼近。 原本中午仲因為我的小狗生病而煩惱,但當一家人一齊望一望天空的時候,廣闊的天空真係可以將煩惱一掃而空的魔力。 宇宙,就是這麼偉大、這麼遙遠,但我們又徧徧生活其中。 仟份之一的機會,令我們生於同一個星球;萬份之一的機會,令我們生於同一片陸地;佰萬份之一的機會,令你來到我這個 Blog;仟萬份之一的機會,令我們相識;億份之一的機會,令我可以建立這個家。 有人會稱這些做緣份。。。畢竟都是數字中的偶然。 今天的你有煩惱嗎?還生著氣嗎?試一試抬頭望天上的星空,你就會覺得一切都微不足道了。 吵架就先開口氹氹人吧,短暫人生,這些煩惱都是不值得的。 我們能認識直至成為好友, 我信是我們的緣, 而可以同你建立這個家, 我信是份, 我珍惜現在這一刻我擁有的一切, 正如我珍惜你一樣, 我唔想生命就咁浪費下去, 我好想同你開心一齊渡過我們的人生. 非常愛你的人.

サバ 加油撐下去!!!

請問大家可以幫幫忙嗎? 在這個 Blog 開張了幾日的短短日子,全賴 サバ 的留言,令我鼓定更大既決心改善和老公之間的關係。短短的幾個字,真係可以發揮好奇妙的效果。 亦 由果日開始,我都會留意著 サバ 的網誌,由佢老公開始失蹤,至到事情明朗化,但又接受離婚的打擊,到發現自己有抑鬱症。剛睇到 サバ 記錄有關離婚的消息時,我心入面都很難過。雖然日子很短,但總覺得和 サバ 經已做了好朋友。見到 サバ 好有勇氣選擇等下去,覺得上天雖然對 サバ 很殘忍,但都仁慈地留下一份堅強的性格比 サバ。 如今醫生發現 サバ 患上抑鬱症,我由心底裡好想幫幫這位素未謀面的朋友,希望可以比一份支持佢。 大家都可以幫幫忙嗎?希望祝福的力量,可以為 サバ 帶來奇蹟。 加油,サバ,支持你。 サバ 的網誌 >>> 引用自:http://hk.myblog.yahoo.com/jw!unlCHbSfGRxpSJY3cmsrZbcALw–/article?mid=221...

尊嚴背後的代價

最近我的媽告訴我,佢想辭職了。我只可以告訴她。。。 “媽,我知道你最近都煩惱著辭職的事。雖然我知道你好想聽到我同你講「媽,不同擔心,接下來的日子就交比我吧!」,即使我心入面都好想咁講,不過由始至終我都無講出口。因為我唔想空口講白話。你知道我地而家既景況,你知道我地目前的田地,無固定的收入,只有穩定的支出。 我唔係想推開照顧你的責任,因為我知道你明白我有能力的話,一定會好好照顧你的。所以,我只可以告訴你,我地最快都要十二月先至開始有收入,收入的數目還未肯定,不過最起碼應該會過到活的。 我 知道你的工作為你帶來好大既壓力以及工作量,令你做得好唔開心。所以我會盡我的努力,去支持你的決定。如果你真的決定辭職,我都會支持。不過我希望你會明 白維持尊嚴背後的代價,就是接下來的生活可能會過得無咁好,可能會過得有點艱苦,可能會好窮,可能需要放棄一 d 興趣。但係我都會繼續努力,協助我地一家人擺脫這些艱苦的日子。這就是我地可以做的最大努力。 所以,如果你下定決心要辭職,就放心去做吧!” 另外,我都想同我的爸講。。。 ” 爸,媽告訴你佢想辭職,佢係想從你身上得到一份支持 / 一些指引,而唔係想你否定佢既能力。一個人出外即使幾唔開心、受左幾多氣,回到家中,都只想感受一下家人的愛和關懷,然後再出外拼過。這樣人與人之間的關 係才可以生生不息維繫下去。我知道媽很愛你,正如你愛媽媽一樣。雖然你們平日愛單單打打,但這是你們的溝通方式,我不作評論。 不過,媽現在 遇上困難了,你就給她一點支持和鼓勵吧!媽不只是愛錢和麻雀,她還很愛你的,而且此生最愛的人就是你。我知道你感受到的,因為媽從來都無否定過你所做的決 定,無論是生意上幾大的風險、幾大的投資,即使把我地一家人的生活都押下去,媽都會支持你的決定。你知道媽是由此至終都是最支持你的一個。 我 果方面,你就不用費心了。雖然到目前為止,仲未有收入,但係我地每一天、每一晚都努力在工作。做生意的成果,唔係一朝一夕就見到既,就正如羅馬並非一天建 成的道理一樣,我相信你做生意咁多年,你一定仲清楚過我。所以總有一天,我可以證明比你睇,我今日既決定無錯,我地係有計劃咁進行的。 我記得小時候,你教我游泳,教我浮水,你告訴我,做人最緊要就係信心,有信心,就一定做得到。呢一份信心,我都係從你身上學番黎既。所以,希望到今天你都比番少少信心我,我有信心可以做到成績比你睇既。 年紀大了,大家都要 take care…” 自己一面打這篇文章,一面都感觸到有點想哭。。。 我知道你的孝心, 我亦好感謝你媽媽照顧我們, 佢照顧了我們咁耐一句不是都冇, 我真的把她視為我的第二個媽媽....

老闆的辛酸史

【明報專訊】六時半,公司同事全部準時下班,剩下年輕的老闆與公關經理,等待記者到訪。 好多人以為做老闆好多錢搵,又好舒服,乜都唔駛做咁。個個都只係見到做老闆的成功一面,但係又有幾多人會唸到,佢地都曾經通宵達旦咁努力過。 又有好多人想做老闆就賺多 d 錢,好快就唔駛做。其實呢個唸法係好錯的,做老闆初期真係收入都無,仲要不眠不休唸住公司既野,有幾多個可以過到呢一關?又有幾多個可以支持下去? 有時我覺得可以將產品推出市場,有人 Buy,有人欣賞,已經好開心,都經已係最大既收入了。 引用自:http://hk.news.yahoo.com/060811/12/1r7fy.html 做老闆是好多人的夢想, 人們看見老闆只要坐下, 行下, 便會有可觀的收入, 而他的員工就做生做死, 所以好多打工仔都夢想自己有一日會成為夢想的老闆, 但現實真的是做老闆是如此舒服嗎? 他們真的沒有壓力嗎? 他們真的坐下行下就有收入嗎? 其實老闆的辛苦是員工不會明白的, 他們不會有固定的工作時間, 他們的全部時間都只屬於他們的公司, 他們每天都擔心自己的收入, 這兩點員工便不用擔心了, 老闆真的不易做呢.. 開始既階段,係最難過的。亦都吾係好多人過到,所以一定要支持下去,總會有成功的一天!

命名的疑惑

今日係我個 B 去拎出世紙的日子,佢既名字,今日要塵埃落定了。之前我奶奶專門去廣州搵個名命仙人,幫我個 B 批一批個名。結果仙人話如果用我地兩公婆改的名,個 B 就會注定有障礙,陷害極多,不過個性剛強進取。於是,仙人就提議了另一個名,如果用果個名,我個 B 就可以白手興家,名成利就,獲得巨財。 我 明白奶奶的苦心都係想 BB 有一段好 d 既命運,不過我始終都係想用番我地兩公婆改既名,因為係我同老公一人一個字改出黎的。正如老公話:「呢個名証明我地一家人,一條心。」更何況,我相信我個 B 剛強進取既個性,一定可以引導佢突破一個又一個既難關。而且,我個 B 都係得個幾月人仔,未需要咁快就要錢吧~~~ 到佢長大後,覺得真係需要先至重新改名吧~~~ 抱歉了,奶奶~~~ 唔知其他人會選擇個性還是巨財呢? hi~ 那要看你們家是不是迷信了, 如果不迷信的話由自己改就最好, 因為B是你們的嘛。 我不是迷信的人, 所以不會聽什麼大師的。 況且性格可以培養出來、B將來的路父母也可以給他適當的鋪排, 大師說的是將來的事,...

良子就係久唔久先至留一 d 咁感人既說話在 blog 度~~~ Un Cool G 要另起爐灶了!!! 如果良子可以解開下面既謎,我就獎你可以睇我個秘密 Blog 啦~~~ 謎面:最近好想要既_我想到了

Eureka 的由來

Eureka (或 ‘Heureka’; 希臘文 ηὕρηκα) 其原文的意思是「我找到了!」。 文獻記載當阿基米德泡在浴缸中,悟出物體所受的浮力等於其排開的水重量時,他高興地跳出浴缸,裸身跑到街上,同時大喊「Eureka!」 原本同老公共用同一個 Blog,可惜老公天蠍座的個性,搞到個 Blog 好似得我自己一個人努力在寫,佢就無聊就看。(除非吵架了,就在 Blog 上留幾行短短的感人文字) 天蠍座嘛,就喜歡找秘密嘛,你放在佢面前佢又不看,你偷偷收埋佢就會好想睇了。 會叫做 Eureka 的原因,一來要佢想不到之外,可能就係因為最近經歷太多,對生命有很多突發奇想,就想把它記下來吧!

懂得安慰人的瀏覽數字

原本過著只得一個人寫 Blog 的日子,到今日小小的統計資料竟然會成為安慰人的靈丹妙藥。即使每天都只停留在個位數字,已經足夠了。起碼我知道,我在寫的,都會有人睇。 可能都市人都有這一份需要聆聽者的寂寞吧!

兩公婆。一個家

我地係由朋友關係開始的 (一向都係兩個人要長久一齊的開始方式),我老公唔多說話,在別人的眼中,就是有點靜、有點自閉果種。而我就係大吵大鬧的類型,一冷一熱的關係,就由佢約我出黎傾計開始。佢活躍、開朗的一面,就只展現我面前。 一開始,我地都只係傾下自己的感情問題,當時大家心裡面都各有所屬,到後來我地開始傾下自己既理想,傾下很多無聊的事。直至0係埋一齊,有乜野都會同對方傾,同對方分享。 到左而家,可能因為每一日既生活,都0係埋一齊,身邊所發生既事,都係一齊經歷的,所以成日好似無乜野講。仲要因為照顧小朋友,大家在一個小小的家入面,都有時差,我睡得遲,佢起得早。空虛、寂寞的感覺,有點按捺不住了。

100 分的好男人

我老公係一佰分的好男人,正如我同身邊既朋友都講,就算身邊出現一個條件比佢好既熱烈追求我,我都會選擇我老公。 因為。。。 佢 細心,溫柔,關心我,了解我,懂得令我開心,會做家務,會照顧我地既兒子,會承擔責任,愛家人,孝順,明白做乜野我會開心,明白做乜野我會唔開心,會支持 我做想做既事,會幫我應付唔想做既事,分享我的喜怒哀樂,同我建立過很多美滿的回憶,陪我入產房生仔,會怕我食得唔好,煮飯,會同我去食食食,愛我地既兒 子,愛我的家人,顧全大局,有恆心,有耐性,會比紙巾我既時候將紙巾揚開,著重我的感受,照顧我,會為我找尋驚喜。。。 最重要係好愛我,咁既好男人,可以去邊度搵? 所以我地一齊,經常都可以保持住拍拖的甜蜜,即使現在變得有點兒靜。。。 我暫時都有妳呢種情況~~ 同女友由細拍拖到現在~~ 約七年多了~~ 但仍然係如膠似漆~~ 見到呢幅一百分既圖片~~ 又令我諗起如果.愛入面, 金城武係咁打 “我恨你,我恨你,我恨你,我恨你,我恨你,我恨你,我恨你” “跟我走,跟我走,跟我走,跟我走,跟我走,跟我走,跟我走,” 既場面~~~ ^_^ 祝白頭階老~~ 現在雖然有點平淡, 但我們都是一齊經歷, 而愛你的感覺會不變, 在你身體好返d之後, 我們再一齊出去玩呢, 果時豆豆都可以一齊, 好寄待. 老公上

食!最緊要!

今日的午餐好豐富,有廚師即席炮製的上湯醉蝦、頂級神戶牛柳以及黃金炒飯。 我覺得一個人,食最重要,除左可以供給日常所需的營養外,亦可以從美食中找到滿足感。最近都無好好的食大餐了,我家中的大廚,從不會為我們的肝著想呢。。。 其實今日既午餐,只係簡簡單單的通粉,牛牛以及隔夜炒飯。想法變了,原來乏味的都會多一點新意~~~享受美食,胃要準備好之餘,腦袋都要準備好~! 多謝你為我做的食物加添美味的幻想, 我每天好想俾你享受好食的食物, 可惜我的技術不足, 原來只要加添夢想, 所有事情都可以是美好的.

隨筆

現在已經是晚上2:30了, 豆豆訓了, Un Co Gi 因病了亦訓了, 只得我一個人, 所以突然想寫一寫blog, 最近都好忙, 日日都忙著照顧豆豆, 見到佢一日一日長大, 有點從心底的開心, 我是一個好怕寫日記的人, 所以之前大部份都是Un Co Gi 寫的日記, 我真的好愛Un Co Gi , 雖然佢產後心情有d起伏, 但我明白佢的辛苦, 我會諒解佢, 明白佢, 照顧佢, 希望佢會明呢, 從現在起我會多d寫blog, 希望可以記下我同Un Co...

生命的迷茫

今 日的心情有點不是味兒….近日太接近生命的開始同結束….看見Un Co Gi 生豆豆的感動, 我媽媽的辛苦, 亦有其他事與願遺的事情, 迫得自己好辛苦, 好多事都力不從心, 其實有d事只是兩個人的事情, 但當加入其他人的意見時, 就會好迫….好迫….我們真的沒有經驗, 亦不信一d習俗, 但我只信一個信唸, 就係自己開心舒服, 咁做唔做都唔緊要la, 如果現在不快樂, 將來又點會快樂…

雪糕的藝術

今日良子出左公幹,買左禮物返黎同我慶祝哦~~~ 好開心呢~~~ 原來食雪糕蛋糕都大有學問呢,又要注意放入幾多度既雪櫃、又要注意由雪櫃拎出黎之後要等陣先可以食、仲要用溫水暖過把刀先可以切呢! 為免長官的發現,我地兩個一晚就食曬成個蛋糕了。好美味哦~~~ 係芒果黎呢~~~ 好多謝良子呀,很愛你!

私房日記。久違了

都有一段日子無寫日記了,這段日子,就像每一天都等著豆豆來臨的日子。隨著豆豆長大,肚子的不適都越來越強烈了。做媽媽的犧牲真大哦!不過,就算豆豆出世了,都只係一個開始呢。漸漸明白到,為人父母,真係小朋友細個既時候就怕佢長唔大,大個左又怕佢學壤呢!雖然我唔知道我地識唔識教我地既小朋友,但係我相信我地一定可以比到一個溫暖既家庭比佢,因為我地都明白屋企對小朋友的重要性。 這段日子以來,除了等豆豆出世之外,就是工作了。的確,世界既時間並唔會因為我生豆豆而停下來。所以我都係要努力、努力、努力哦!還有努力的和良子去打怪,呀!著迷了!

另一種的不得不愛

韓文版的不得不愛又是另一番的姿味….. MY BABY~I LOVE YOU SO MUCH FOREVER YOU AND I I LOVE YOU OH~I LOVE YOU SO MUCH FOREVER   YOU AND AND I MY BABY I LOVE YOU...

愛是真是假??值得嗎?

如果你發覺你不愛一個人, 你為何要同佢做一世的誠諾?如果你只愛別人, 你又為何要傷害他? 真的是不得不愛嗎? 她令我再次想去了解愛的意義… 希望她會明白愛的意義la…. 最後真的希望她明白不得不愛的意思… 還是不愛會發呆 baby 不得不愛,不知快樂從何而來 不得不愛,放下悲傷從何而來 不得不愛,否則我就失去未來 好象什麼尤其不能自己很失敗 可是每天都過的精彩 天天都需要你愛 我的心只有你在 i love you 我就是要你讓我每天都精彩 天天把他掛嘴邊 到底什麼是真愛 i love you 到底有幾分說得比想像更快 會不會有一點無奈 會不會有一點太快 可是你給我的愛 讓我養成了依賴...

幸福與命運

今天因一個朋友的事而回想起這兩年的事, 覺得自己真的好幸福同幸運, 可以找到生命的另一半, 又是一個最爰的人, 而又可以做自己想做的工作, 我好珍惜現在的一切, 我亦會繼續努力, 因為我見到命運真的會作弄人, 命運可以令一個唔係最愛的, 結成一對, 而且要放棄自己的夢想…. 我真的希望佢可以得到幸福, 但不知現在真的是否幸福…….好擔心….

外星人。生日快樂!

今日係外星人生日呀,就比個賀佢啦。 外星人都到了風韻尤存的日子了,仲落 D 玩。見到佢成三十幾歲人,都無為將來打算一下,真係有 d 擔心。有時見到佢,就會反思一下自己。唉,如果我到了三十幾歲仲係咁,真係。。。 去食朗廷的自助餐,得一個角落的食物。。。有點失望呢。良子仲突然變左做 Dr. 呀! 😀

濕濕的日子

連日來的天氣都是濕濕的。。。 下雨天的日子,就像會吸取人的靈魂一樣,做事很有心無力。晚上的紅雨多了,總覺得天氣在靜肖肖的反常。最重要係無得放假。

殺人王的生日晚餐

今日係同殺人王補祝生日的日子,大家約了在迎喜食飯。對家都有黎。哈哈,送左份好滿意的禮物比殺人王。 唉,人長大了,就是這樣。後生的時候,就用健康換取財富。到長大了,又用財富換取健康。後生的時候,就利用所有時間去搵錢,結果冷落了身邊既人。到長大了,先至發覺呢份寂寞帶黎陣陣悲哀。 我都唔想做獨孤老人呀,所以良子千其唔好掉下我呀!

朋友的婚禮

今日去了朋友的婚禮,亦都係同舊同事聚舊的日子。中午就返一返公司,拎一拎大意留下的火牛,唔掛得之個管理費咁貴,因為個保安系統真係好 High  security。 見到人地既婚禮,又想起當日嫁比良子的日子呢。最衰都係果兩個壞人,搞到呢份回憶總有點苦。人長大了,結婚的年齡不知不覺就到左呢。接著下來,會收到幾多紅色炸彈呢?下一對幸運兒又係邊個呢?  

亡命 Trailer

今日陪良子去打波,良子好勁呀,好耐無打波都可以發揮水準呢!勁! 回到良子屋企,要做亡命 Trailer 呀,做到五點幾,都做唔曬,要聽日再做,超累呀,就算要訓極硬床都無所謂了,因為最基本既渴望就係想訓呢。

久違了的戰場

今天好期待, 因為我真係好耐冇打波了….今天的天氣又濕又熱又下雨, UN CO GI陪我去打波, 真的有點擔心佢會病, 搞到我去到球場都只想陪係UN CO GI身邊, 而阿棠係我去到之前又叫我唔好去, 太多人, 話我未必有得打, 好似同我講你係後備, 唔駛你了, 真的有d火…不過算了, 都識了咁耐. 落到戰場, 真的有點人生路不熟, 開頭唔係咁fit, 但不知何時, 我身體內的潛能又發揮出來, 打到對手冇訂企!!!!哈哈, 我就是王道!!! 打完後, 唔想UN CO GI咁辛苦便同大家坐的士回家了, 滿足的一天

發現卡巴拉島 ^^

呀! 發現了惡魔的遊戲,卡巴拉島呀… 搞到我地無心機做野,掛住玩 tim… ~.~ 最初見佢 d 公仔幾得意,故事又幾吸引,所以就玩了。拎到鑽地小弟之後,更加愛不惜手呀… 不過都好既,起碼而家對遊戲又多了幾份熱情。

好想好想快點有成果…

好想快 d 有成果呀… 所以呢個星期都係努力 & 努力 & 努力… 明白”羅馬並非一日建成”的道理,但係要堅持過呢段空白的日子,真係要好大的韌力呢… 一星期都是很累很累…

長官來視察了… 世紀討厭一號、二號出現!!!

長官颱風式黎視察左一陣就走了。接下來,就係世紀討厭一號、二號出現了! 都未見過咁唔禮貌,又唔尊重人既人呢。當正自己屋企咁呀,仲一大個腳印放在”綿花狗”度。唉,我同良子都極忿怒呀!仲要成日好似人地一定要幫佢咁,仲叫我地過 d game 比佢地 wor…. 佢地真係唔知我地做邊行了,咁同 bill gate 講,叫佢 copy 隻 window 黎有乜野分別!!! 最近發現,人長大了,好似睇唔過眼既事越黎越多咁。係我地既包容力少左,定係周圍既人真係好討厭呢?!HAHA,忿忿不平的家族呀……

累透了 ○.○

多個星期以來的努力,搞到個人都累透了。心情極差,仲要成日睇住屋企有個”樂神”日日都懶懶閒咁,就同長官嘈起黎了。唉…… 很麻煩哦…… 無計啦,大家都窮,大家都心情唔好…… 唉, 累到個人好想好想大大哭一場……

復活假期的第一天

工作到很累很累呀。。。雖然我地唔係跟勞工假期既(

與舊同學聚舊

好耐都冇同大家出去傾傾了, 大家各有各忙, 今天大家終於都有機會出來聚舊….好開心 每個人外表看上去都冇咩點變, 但我睇得出, 其實佢地每個都成長了, 真的懷念昨天….(往昔的生活, 大家快快樂樂) 有人話, 最真心的朋友就是學校的朋友, 一定要好好珍惜, 希望大家可以做一世的朋友!!朋友唔駛要每天見面每天問好, 只要不時知道佢的近況, 知道佢過得好, 便好了(@~@)  

可惡的女人!我要同你拼過!

連日來都會女人過著血拼的生活,一個比一個快,一個比一個好!呢門手藝,真係做得越多,就會做得越好! 我要繼續努力呀!

沙田。IVE。久違了~~~

今日返左 IVE 和阿 sir 聊一聊,發覺原來除左教書之外,仲有好多可以搵外快既地方。希望今次既聊聊,可以為我地將來帶黎更多機會。起碼,我地都同對手站在同一陣線。 見到今年 SU 既莊,未上莊已經著曬 suit 咁(

Pool 袋入手!

呢個 Pool 袋真係抵呀!$5X 正版貨,又夠大,遲D仲可以用黎放埋豆豆既野。 連豆豆放埋落去都得呀! 😀 仲有立體彩色米奇 logo 呀!好得意!

殺人王。發火了!

可惡的殺人王,藉著大家一齊飲茶的日子,突然發爛了!仲係咁數落長官的不是。。。最後仲要不歡而散。。。 好好的星期六,就比佢搞到個個都心情吾好了。。。良子講得對,有乜野大家吾可以坐低好好傾呢。。。點解要搞到發爛呢?!搞到其他人更加吾想同佢一齊呢。。。 良子精警的一句:「如果後生既時候經已有報應的話,呢個世界上就無人做壞事了!」希望Un cool G 都吾係令人討厭既人啦,吾想到老既時候先做“獨孤老人“呀!

到你換証了!

到你換証了!HAHA~ 今日約埋小迪一齊去尖咀換証。。。 去到見到一個個 counter,好似個大鄉里咁,原來而家咁先進 ga la~~~ 好在有良子的”魚皮”事件,我先至識得在國籍填上”中國”呢。 原本在家做野做到吾捨得走,搞到無時間整好個頭。去到影既時候,個頭都。。。haha… 好… XXX… 之後去左小迪推介的大盛食野,你地個個都話食得好飽 wor,但係我就覺得好似無食過野咁了。。。D食物又真係幾大碟既。。。好肚餓哦!同小迪個新 look 黎番個合照!

童話

我聽說有一個關於一個王子的故事: 從前有一個王子, 有一天他得到了一個寶物, 而這寶物告訴他:(你俾了我幸福!), 王子非常高興, 覺得自己可以給與寶物幸福, 自己是全世界最幸福的人, 因為他亦得到幸福…. 過了冇幾耐, 王子唔小心打破了寶物, 寶物出現了一條裂痕, 開始寶物便覺得王子俾唔到幸福俾佢, 始此寶物與王子便再冇講話, 王子亦只是呆呆看著寶物一片一片的掉下, 原來王子的幸福只是幻象, 一不小心便打破, 最後王子呆呆坐著看著最後一片寶物的掉下, 而王子亦隨隨死去….. 看見你的樣子, 你的臉告訴我, 你做了我唔可以原諒的事情, 我只是看見了, 便不知可解開不了口, 想同你講:可唔可以原諒我? 但我開不了口, 因為我好怕, 我好怕你會講:(唔可以!), 怕我咁耐的努力, 原來是白費, 是你給我勇氣,...

結婚後,我們第一次吵架了!

劇情就在屋企無人,個個出曬街的日子發生了。 晚上倆口子煮飯仔,食飽飯之後。。。大家都累了。。。唸住同良子一齊玩MA,點知良子又吾理人。。。雖然只係一件好少好少既事,不過由心底裡傷害 Un Cool G 呀。。。好似得  Un Cool G 自己一個人想玩咁。。。 到今日,我真係體會到,原來大肚婆的情緒真係可以好起伏的。。。 不過都算啦,我地都學會點處理大家吵架既情況既(最重要都係溝通、溝通、溝通)。。。都算係感情提升了一步吧!

在家感覺。真好!

可以好輕易講一佰個在公司做野既好處比大家聽,但係。。。有時在家工作,都吾錯,起碼可以節省三小時既車程。。。 不過,又懶一懶先至起身了。。。搞到中午先開始工作。。。唉~~~跟住又做到晚一晚先至訓。。。

累。累。累。

原本今日要聽個肝炎講座,點知因為遲曬到,都無聽到呢。 就咁落番旺角,買左個中午飯,就返公司了。。。 唉,要做一隻 AVG 出黎,真係話易吾易,話難吾難。最大問題都係今日乜野頭緒都無。搞到進度好慢。最矛盾既係。。。明知道D人係睇公仔多個睇字/故事,但係遍遍唸角色設定、對白、背景最難。。。無設定,又好難入手,真係好頭痛,好頭痛呢。。。 今日雖然無乜 production, 但係仲累過係咁畫係咁畫呢!!! 返到屋企,好似得番條屍咁了。。。好在有一個明智既決定,就係。。。 聽日都係在家做工啦。。。

平凡的星期日。不平凡的家庭

牛仔無左 lu,因為中午去飲左不平凡的茶。。。 好奇怪呀!真係未見識過。。。真係兩個世界既人。。。似乎前面仲有漫漫長路要行呀,樂神似乎仲有好多好多問題要解決呢。 兩個人一齊,要克服既野,真係好多好多呀。好開心,可以同良子行到而家呢一步。今日,係休息日,因為正如良子話,吾想做爛 Game~~!

愚人日 X 殺人王

一 早就同殺人王飲茶,佢又係咁大談 Sales 技巧。佢又要成日同人地講,點去 Sell 人。但係我又吾覺得佢係一個 GREAT Sales。佢咁鍾意用日常生活做例子,我就用佢黎做番個例子。佢最失敗就係令到客人(

迪媽的新造型

今日見到迪媽的新造型!!!成個人吾同曬咁WOR。。。 不過好似大個左姐~~~唉,我地都到左一把年紀的時候了。。。

開業了~~!

今日都算係第一日去 Cyberport 返工了。。。好遠,好慢長的道路哦。。。D枱好麻煩呢。。。睇起上黎好似好好用咁,但係想搬佢就難了。。。 ~.~ Food Court 得果四間野,仲要連餐牌都一樣咁既。。。唉。。。要好似小迪咁成為帶飯派了。。。 終於有屬於自己既 office 呢!感覺無再好似以前咁流離失所了。好集中!好努力! HAHAHA~~~ 良子都要加油哦!

惡死護士肥病人

今天Un Co Gi 要去診所抽血, 我們一早就去抽, 點知就中了惡死護士的計, 佢話抽完一支, 要係道等兩個鍾再抽…..(哈哈) 可憐的Un Co Gi 就白白俾個惡護士抽了兩次血, 護士還說:(死未…哈哈)(

好人

今天樂神同佢男朋友幫我搬d傢俬去Cyberport, 真的好多謝佢地. 夜晚又去了富山食食, 佢d野食好食同低過和(X), 正!

豆豆。忌水

今日係搬野到公司的日子,我要一個人留在家哦!好耐無自己單獨一個人呢!好驚呀,好驚呀,好似隨時都會跌倒,跟住就有蚊 null 住我咁呢… 咁就消失了。HAHAHA~~~ 我唸豆豆都係怕水 ga la,每一次落雨或者沖涼,豆豆都唔 move 呢…

先人祭

今日係家族拜祭先人的日子,回想起之前,原來未同良子一齊既時候,良子都已經有陪我黎呢… 今年帶住豆豆一齊去,感覺生命的奇妙。一個生、一個死,一個開端、一個終結。正如古時既哲學家話:「出生既時候一絲不掛,死後都唔可以帶走 d 乜野一樣。」 上山、下山、上山、下山,很累哦。

休日

雖然今日既天氣還是濕濕的,但都無影響我地出街享樂的心情,仲在最大雨既時候出門口。 好耐無出街玩了~~~! 今日要盡玩呀! 心情好興奮! 中午睇左一套終極爛片,名字改得無錯,叫做”xx愛情爛片王”。無辨法哦,無理由咁開心既日子走去睇”八隻狗仔”咁慘 ma。如果大家想得啖笑,又想睇下真正既爛片,真係可以去睇下。散場既時候,我見到起碼有四個人訓著左呢… 之後就去左行街,不過因為豆豆太大了,成日行一陣,就腰骨好累,好曲,好辛苦咁。單單只係買了一個無線的 Router,都累透了。 下雨天都係行 “Long Long” 坊最好,有冷氣,又舒服。HAHA~ 不過成日都要經歷良子最怕既果條長電梯呢~~ 晚上原本都飽飽地,但係又好累,想搵個地方坐下順手食埋野。跟住就去左 1212+ 了,食物的味道都唔錯,幾fresh & 幾特別,不過好似種類就少左 d 了。推介白豚肉刺身(

休養後的左右腦

今日除左努力發揮左右腦之外,仲好努力好努力咁”聊”。 好緊張哦,收到突如其來既電話,好在都對答自如,HAHAHA~~~ Later 真係要 Everytime well prepare 了。 認真的”聊”完,晚上又同小迪”聊”,都係聊其他人既八掛野。HAHAHA…… 節目重溫:我地為我地既遊戲拼上我地既青春,灑上我地既汗水,得出黎既結果,係令人滿足的。 🙂 起碼拼命的努力過~~!

沉醉在 B & W 的日子

經過連日黎的作戰,今日累到透了。所以休息一下。 Black & White 2,正!不過個系統好似複雜左好多,搞到好似玩緊 AOE 咁,玩到去第三版,都無乜心機玩咁呢……

今日的大突破

今天參加了數碼娛樂大獎, 好多人, 見到每個上台的人都好開心, 我下年都要上台先得, 但其實台下有更多的寶藏, 我們結識了一d大粒人, 好開心, 好似進入了大世界一樣, 雖然唔知會唔會對公司有幫助, 但最少都知道我們這間公司, 成功感都好強, 自己開公司雖然辛苦, 又冇收入, 但可以接觸另一個世界的人的感覺實在太好了. 後來我們見到K先生, 但我對佢真的沒好感, 佢的態度, 佢的行為, 真的不感相信佢係這行咁多年(對比我), 這樣的態度會有人真的願意同佢合作同佢一齊打江山嗎? 佢的嘴臉(我裝佢, 隻眼完全睇唔到人一樣!!)真是見多你一面, 同你講多句都癈事的樣子.

Share it on your social network:

Or you can just copy and share this url
Columns/Rows
Sliding Direction
Tile Size
Tile Style
Show Panel
Grid Settings