Loading. Please wait...
show main info show sidebar hide sidebar

第一天做中學雞

今日終於由小學雞升級做中學雞了 , 話說琴日先至有人發現未做曬功課, 仲要去咗朋友屋企玩, 找到爹爹豬和媽媽豬超級嬲, 做功課做到十二點半先有得瞓。 今朝一早起身, 有人超級緊張,係咁 e e 哦哦。 好驚識唔到朋友, 又驚老師會鬧點解唔返學 ( 因為搞錯日子以為今日先要返), 全程車都勁緊張。 去到學校門口, 見到其他人件衫唔同色, 又緊張一次。 我有問過豆, 使唔使送佢入學校門口, 佢決定自己好勇敢踏出第一步,成功走入校園。 跟住豆豆返到嚟就話好開心, 因為好多遊戲玩好好玩。 第一日玩高空掉雞蛋,同起高塔。 第二日玩第五人格捉衣因,五位老師做捉既數學遊戲。 第三日玩野外定向同睇書。 遇到一啲好似小學同學嘅朋友, 又遇到一啲因為你冇玩食雞所以唔同你做朋友嘅人, 或者仲有一啲覺得你好幼稚冇曬童真嘅小朋友。。。...

豆豆出世了!!!

零晨四點半,我穿了羊水呢。其實在穿羊水之前,已經比陣痛嘈醒了,但係每一日都見到良子咁辛苦又咁早黎探我,我情願遲D先至通知良子,等良子可以訓耐D呢。 穿羊水既感覺呢,真係一發不可收拾呢,一穿,水就源源不絕流出來了。連我去換巾巾的時候,仲流到成隻腳都係呢。。。羊水的味道,真係永遠都記得。。。 穿了羊水就立即打比良子了,我怕豆豆隨時就出來呢! 到早上九點左右,陣痛比之前強很多,就算良子就在門外,都出吾到去搵佢哦。仲要遇著好多人做手術要送入產房,加上突如其來好多打尖的大肚婆,搞到我地呢D催生既媽媽等了又等。淚。。。 陣痛既痛,真係比生豆豆時候既痛,辛苦十倍呢。難得同姑娘講左,令良子可以入黎陪我一陣,感覺先至好過一點呢。不過果種痛苦,就算用曬不同既呼吸方法,都減低不了哦!先係肚子收緊起來,到下面,到背面,揮之不去既痛苦,令到個人好想哭起來。 由上午九點,等到下午兩點,先輪到我入產房。很苦哦!!!因為入產房先至有不同既止痛方法呢,入產房之前真係完全依賴個人意志力了。 原來產房就是這樣子的,有一面對外的窗,可以見到隱約的山景,有一面佈滿儀器的,有大大的手術燈,感覺很奇怪,原來人的起點是這樣子的。 全靠止痛針和止痛氣體,感覺才好一點。再加上良子的支持和鼓勵,時間終於易過一點了。去到呢一刻,真係充份感受到,生一個小寶寶,真係要同自己最愛既人生,先至得呢。去到呢一步,更加確認良子就係我最愛而又最信任既人呢。要多謝良子陪我渡過咁難過既時刻呢。 止痛的氣體,令人有點好似發緊夢既感覺。原本心入面有好多說話想同良子講的,但係劇痛過後,我就只係識得對住良子笑一笑,希望可以減低良子的憂慮。一切盡在不言中呢。

部落 VS 聯盟

一大清早,媽媽和良子就陪我入院了,相信這段日子將會係同良子分開最長既日子呢。。。 原來而家既醫院入面的大肚婆,十個有七個都係部落黎既。。。即係好辛苦落黎香港生個仔為張身份證果種。 遇著我隔離床,都係一個部落,仲要係好出色果隻~~~明明快要做人地媽媽了,仲可以咁任性,又吾理人感受既。以為自己比左錢,就可以亂來果一種,搞 到我成晚都無得訓,一訓著,又比佢既叫聲嘈醒,嚇到心都跳埋,成間房既太太都比佢嘈醒曬。唉。。。不過後來我發現佢都有一個幾可憐的故事呢。。。 今日一整天,都在等。等。等。再無跡象,聽日就要催生了。怕~~~ 晚上的病房,除了多了點尖叫聲和哭啼聲,更多了幾分寂寞。

約定的日子

豆豆過了預產期,都未出黎,聽日就係要入院的日子了。 雖然一直以來,都好想快D見到豆豆,但係一講到。。。聽日佢就要黎了。。。個人就緊張起來呢!!!起碼自然作動的話,都無時間唸咁多,無時間煩咁多嘛。但係當你知道聽日會入院催生呢,咁。。。咁。。。咁。。。很多很多念頭就湧上來呢。 好緊張呀!!!很大壓力。。。

預產過期了~~~

今天是豆豆的預產期,一整天我都很神不守舍呢。 感覺是漫長的,等、等、等、時間一分一秒地過去,豆豆都係無作動既跡象呢。。。感覺就像約左一位好重要的朋友,一個好重要的約會,準時到達了,一切都準備好了,但到最後。。。都係比人放飛機呢。。。 明天就係生日了,總覺得今年既生日比較寂寞,因為唯一的節目,都係等豆豆出世吧!

豆豆進入發射階段了!

今日又是檢查的日子,好多人呀。。。出生率真係升左好多呢。。。真係有D擔心豆豆好難搵到好學校哦! 原本以為搞半個鐘就得啦,點知,一搞就搞左兩個鐘了,餓死人了。。。 見到其他媽媽,好似都好吾開心咁既。。。咁又係既,得自己一個黎。。。好在有良子呀! 😀 姑娘話,豆豆經已頭向下了,搞到我好緊張呀!好似隨時都會出黎咁樣呢!回家後都係繼續血拼!

Share it on your social network:

Or you can just copy and share this url
Columns/Rows
Sliding Direction
Tile Size
Tile Style
Show Panel
Grid Settings