重要日子 Category Archives

  結果，都係等到催生的日子，細佬都係無動靜哦，咁就入院啦。當唸到好快就可以見面了，就好緊張了。 原本以為一早八點入左院，都要等檢查啦，起碼到晚上先至催生吧。。。點知，醫生一檢查完，就即刻用一次藥了。原本在家等待的感覺，都好緊張，好大壓力的，但係去到醫院，見到周圍都係大肚媽媽，感覺反而輕鬆了。大家都係這樣生孩子吧! 用藥之後，多了反應，多了動靜，到下午醫生檢查的時候，都唔駛再用藥了，直接等落產房啦!呀!？咁快!？原本大家都以為有排等呀，好似向著一個無窮無限的地平線等待一樣，突然間，終點好似就在眼前了。不過產房好多人呀，要到第四個先至到我呢! 由早茶等到午市，再等到晚市，到晚上十點半，終於輪到我落去產房了!可能因為自己行落去既關係吧，好似都幾輕鬆的。連周圍的護士都話無咁快既，都要等到聽朝啦，要良子豬一齊看夜班啦! 一樣的產房，不一樣的感覺。可能因為上次係比人推入黎，今次自己行入黎，多左時間睇下周圍有乜野。「原來人生既起來點，感覺是這麼冷的。」這份感覺，同上次都係一樣的。刺眼的手術燈，隔膜的嬰兒床，木造的產床，唯一最溫暖的感覺，就只有媽媽肚入面的羊水吧! 晚上的十一點，護士核對資料，醫生就在十一點半左右開始檢查，這時都只開了一度。要打點滴，好酸好麻，醫生話要等一陣佢返黎幫我穿羊水了，呀，好緊張呀。呢個時候，好似先至十二點左右。 網上好多人話催生痛過自然生好多呀，唔想等到催生先至生呀，搞到我都好驚哦!良子就話我睇太多了，搞到自己嚇自己。唸番上次豆都係催生，呀，就無所謂啦，反正我都未試過自然生，無比較就無得話邊個痛吧! 到醫生要穿羊水了，十二點半，我問醫生痛唔痛的。醫生話有少少痛，比起生仔，無咁痛啦。跟住我仲同醫生講笑，「哇!你用呢個黎比較呀!」。T.T 跟住就係噠一聲和暖暖的感覺。 醫生穿羊水的時候，都算係第一次正式吸止痛氣吧!都係果一種好迷幻的感覺，就好似見到同一個畫面，但係背後有人不斷講野，好似在外面既世界發生緊咁，但係明明就發生在我身上MA… 要唸番起上次豆豆出世既過程，真係好似一片片的記憶咁。到今次唔想唔記得了，所以就唸住用時間記住，咁我就知道過左幾耐同埋係咪發夢了。 穿水之後，真係痛得好快同埋痛多好多，我記得我有意識既時間，係大約去到一點一左右啦。中途仲識得問下護士有冇得打針呀，有冇得做無痛分勉呀？ 我唸過左一點之後，真係超痛了，因為我既記憶好多都係黑色的畫面。止痛氣體真係連記憶都止住了，同一個畫面，同樣的天花板，背後不斷有好多人聲。跟住畫面一黑，聽到背後有好急好急既咇咇聲，跟住有護士既腳步聲，跟住媽媽豬覺得好似如果我再唔叫，就要永遠都停留在呢個黑色的世界呢。。。跟住好辛苦先至講得出。。。「好。。。痛。。呀。。。」。。。 生同死既感覺，原來係咁近的。有一刻，媽媽豬真係好驚好驚，畫面上的天花板，好似變到萬花筒咁靚，外面有人聲既世界，好似就越來越遠，好似去到白色世界既盡頭，就會有好美麗既畫面咁。好驚好驚果一種失去意識既感覺，好似就算動手指都無反應咁，就算開眼閉眼都係同一個畫面在腦海入面。跟住媽媽豬在腦海叫了一聲「豆豬。。。良子。。。」，先至有力拎開個止痛氣，果一種呼氣聲，好似在叫「良。。。」咁樣，媽媽豬先至清醒番下，聽到護士話「你先生就黎入黎GA La…」接下來既畫面，就多了良子和天花板的硬照。最記得用力既時候，畫面都係全黑的，背後好似有D洗衣機既聲，同埋叫你出力既聲。 細佬豬出世了，畫面就係好大個寶貝!細佬好黑呀，仲有護士姐姐幫我地大合照。原來，媽媽豬一生人最珍貴既，就係呢個家，良子，豆豬同細佬豬，即使用生命既代價，都要換取返黎既寶貝。原來有好多野，就算擁有了，都係假。我最想擁有既，已經每一天都在我的身邊了!只有家人，先至擁有同生命比美既價值和衝擊。 好多謝良子豬給我很多很多支持的力量，媽媽豬先至可以經歷和體驗這一切一切。這一切的美好，這個家的溫暖，這一份支持的力量，這一份珍貴。人生這一段旅程，我地可以一齊遊歷，媽媽豬真係好開心。過往我地已經克服過咁多困難，一齊走過咁多路，都係我人生中甜美的回憶。良子豬盡最大既努力，讓媽媽豬不用受苦，讓媽媽豬不用受壓力，媽媽豬知道的。 接下來，細佬豬加入的日子，我地一齊努力啦!未來的日子，也許就是晴海的感覺吧!

九月五日就係小BB既預產期，由八月開始，時間就好像一直等下去。好想小BB快點出世，但係良子就話，在肚裡面多一日就好一日。想做的事，好似都要等到BB出世後先至做。 Is little Baby coming out?!，原由 ★☆★Pandora★☆★ 上載。 4 Sept 2009 @ Home Mama need to go to hospital la… >.< bye bye Bean Bean, cannot see you for a...

今年良子的生日，花了很多心力去搞麥當當的生日會，今日有生日、有禮物、有蛋糕、有朋友、有麥當當姐姐，真係好開心。最開心係有咁多位朋友支持，又出席，又玩遊戲，可以為大家建立一段美好的回憶。 見到大家共眾一堂，真係好開心好感動。多謝大家！ 不過原來事後是一段惡夢的開端。

豆子！今天你就一歲了，做左一年人仔，感覺如何呀？ 今天你的生日，爸爸媽媽叫左幾位朋友黎屋企同你一齊慶祝生日哦！吾知你鍾吾鍾意呢？雖然蛋糕你又無得食，都只有得食奶奶奶，但係爸爸媽媽都好愛你哦！到你長大了，就同你去食大餐啦！ 不知不覺就一年了，豆子到今日為止，都識少少叫 “De De” 同 “Ma Ma”，仲有吾知點解有時會講下”家”。由最初豆子只係一團肉，到今日識企識笑識玩，真係好感動。而豆子的集中力，都漸漸向外面的世界發展了，原本都只係望住爸爸媽媽哦！ 吾知點解今年會有一個念頭，就係想遲Ｄ同阿豆一齊讀大學，不過爸爸就話我破壞你美好的大學生活啦！唉，有時見到豆子好似好大個咁，好想快Ｄ可以同你一齊傾計，一齊玩，一齊食，一齊訓。話咁快就一年，可能好快就十年，二十年，到長大後，你會有自己的家。 所以，就係目前短短既幾十年，要為豆子建立一個美好的家，令豆子身體和心理上都得到健康成長。爸爸媽媽還有很多需要學習和努力的地方，豆子要支持我地呀！We love you!

今天我們要幫豆豆那出世紙了, 亦是決定他一生的名字的時間, 為這個名字已經發生了好多事, 有麻麻托人找傳說改名的人為豆豆取名, 亦有我與她為取用邊一個名而吵架, 種種的都是豆豆生存係世界的點滴, 豆豆的人生已經開始了, 我同un co gi 就是陪伴豆豆開始他的第一步的人, 責任真的很大, 希望豆豆會成為一個有用的正義的有同情心的人, 這正是我同un co gi的希望. 取”鄒傲天”是我們一人唸一個字而成的, 見正了我們三個人一條心, 亦寄望了好多的祝福落這名字, 而且是un co gi 同我愛的見證, 所以我才這樣執著, 令我同我的媽媽有點不開心, 我真的不想我同我媽媽搞到示開心, 我為此事心內真的有點苦…. 但我會執著這名字, 因為他代表了好多好多不同的生活的點滴, 好多回憶….....

豆豆滿月了！在中國人的意思，點解滿月既意義咁重大呢？原來小朋友經過媽媽懷胎十月，出世之後再過多一個月，就等於滿一歲了，係計埋在媽媽肚入面果十個月呢，所以先至要咁隆重其事。而且媽媽在坐月期間都有好多禁忌，例如：No 洗頭、No 沖涼等等，過左滿月，d 媽媽都可以自由了。 不過擺滿月酒呢，都幾辛苦哦！又要招呼人客，又要照顧 BB，很累呢！最怕個個成日都走黎抱佢，搞到一團泡之後又走左去，唉。 雖然係辛苦左 d，但係都好開心呀！咁快就一個月了，好似好快就一年，好快就識行識走識叫爸媽。見番 su 既朋友仔，就唸番起同良子剛相識既時候，一定無唸過會有今日。大家留比豆豆既說話，好感人哦，豆豆長大之後，我一定會比佢睇既！ 最後連豆豆都要吐出鬼魂了，累~~~

咁快就一個月了，豆豆。今日第一次見過良爸爸，又拜過祖先，又剪過頭髮，又用過葉沖涼。很累呢。。。要去好多地方，又要落雨。。。 滿月哦，真是。。。搞到豆豆一整晚都無訓，可能因為太多人抱佢呢。唉。

零晨四點半，我穿了羊水呢。其實在穿羊水之前，已經比陣痛嘈醒了，但係每一日都見到良子咁辛苦又咁早黎探我，我情願遲Ｄ先至通知良子，等良子可以訓耐Ｄ呢。 穿羊水既感覺呢，真係一發不可收拾呢，一穿，水就源源不絕流出來了。連我去換巾巾的時候，仲流到成隻腳都係呢。。。羊水的味道，真係永遠都記得。。。 穿了羊水就立即打比良子了，我怕豆豆隨時就出來呢！ 到早上九點左右，陣痛比之前強很多，就算良子就在門外，都出吾到去搵佢哦。仲要遇著好多人做手術要送入產房，加上突如其來好多打尖的大肚婆，搞到我地呢Ｄ催生既媽媽等了又等。淚。。。 陣痛既痛，真係比生豆豆時候既痛，辛苦十倍呢。難得同姑娘講左，令良子可以入黎陪我一陣，感覺先至好過一點呢。不過果種痛苦，就算用曬不同既呼吸方法，都減低不了哦！先係肚子收緊起來，到下面，到背面，揮之不去既痛苦，令到個人好想哭起來。 由上午九點，等到下午兩點，先輪到我入產房。很苦哦！！！因為入產房先至有不同既止痛方法呢，入產房之前真係完全依賴個人意志力了。 原來產房就是這樣子的，有一面對外的窗，可以見到隱約的山景，有一面佈滿儀器的，有大大的手術燈，感覺很奇怪，原來人的起點是這樣子的。 全靠止痛針和止痛氣體，感覺才好一點。再加上良子的支持和鼓勵，時間終於易過一點了。去到呢一刻，真係充份感受到，生一個小寶寶，真係要同自己最愛既人生，先至得呢。去到呢一步，更加確認良子就係我最愛而又最信任既人呢。要多謝良子陪我渡過咁難過既時刻呢。 止痛的氣體，令人有點好似發緊夢既感覺。原本心入面有好多說話想同良子講的，但係劇痛過後，我就只係識得對住良子笑一笑，希望可以減低良子的憂慮。一切盡在不言中呢。

時間：始於 2005 年 地點：鄒家 人物： 鄒良 — 鄒家中最大粒果個，對老婆、豆豆都愛護有加！ 鄒芝 — 鄒家中都係最大粒果個(Physically)，成日懶仙上身，各位招呼唔到，請多多包涵哦~~~ 鄒豆 — 活在愛與幸福包圍下的小寶貝。(係2006年6月29日出場了!!!) 人生由出世到而家，終於踏入第二個階段，要成家立室了!!! 我們知道，背後有很多愛、很多扶持、很多關懷去支持呢個家。 藉此多謝愛我們的您們。 ^3^ 家中快要添加一位新成員了!!! 感覺很期待。 不要讓愛寵壞豆豆哦!!!

  今日倆口子就在尖沙咀的婚姻登記署註冊了。 過程很簡單，時間很短，但意義就很重大。 婚姻既意義，很抽象又很難明。 最直接的解釋為，一男一女約定成為終身伴侶。 一張結婚証書，背後的責任，令好多男人都望而卻步。 我的良子，雖然大家都成日話佢唔出聲，個樣好似細佬仔，但係佢對家庭既承擔，我會比夠 120 分。佢真係可以比我自己更關懷我自己。 有時想一想，如果今生今世唔可以嫁比良子的話，真係會有點衝動想哭出來。 >3< 這份難捨難離既感覺，造就我倆結合既緣份，令每一日都好似拍拖咁甜蜜。 ********************************************* 今日發明了"請你食豆"！HAHAHAHA~~~ 因為見到一些令你好想請佢食豆既人。 >

  今天送來了豆豆的床, 可惜係未裝好的, 我看看, 我唸唸, 點解冇說明書…….. 後來發現了本說明書係床墊道, 而又有助手同我一齊裝, 好快豆豆的床就裝好了…哈哈..豆豆, 你要愛護媽媽, 唔好常常令佢痛呀 🙂

在 Boxing Day 的歡樂氣氛包圍下，我們結婚了。 而家唸番起果日都覺得自己好笨哦!累壞身邊既人都為自己擔心了。哭了一整晚呀，唸番起都覺得自己太執著呢~~ ^.^||| 不過結婚，人生只係得一次哦!一定想搞得好好睇睇嘛，每個人心目中都會有自己結婚時既影像既。 而家每當唸到，”呀！我和良子已經結左婚了。”都會忍唔住由心笑出黎，真係好幸福哦~~~! 從今日起，我的名字就要加上你的姓氏了。 鄒太呀，鄒太，夠曬幸福了~~~~ ^.^  

豆豆就在呢一日開始形成了。 生命的奇妙， 由呢一日開始建立了感情，由呢一日開始唔想去放棄， 由呢一日開始想去珍惜，由呢一日開始要學會面對。 可能將來對我們黎講，呢個擔子有點重。 但既然決定了，路即使係難行既，都要開開心心一齊去行。 緊記良媽媽的一句，兩個人萬事都不要吵架，要互相支持一起走下去。