2016 Breakthrough 回顧

如果接下來每一天都可以這樣子懶洋洋的起床，身邊有著三個寶貝的溫暖笑容，我已經很滿足了！
今年 2016 發生太多人生上的大事，亦都無法改變的事情，深深感受對於人生的無力感。

改變，才是永恆。

在家庭上，年頭發現了爺爺患了腦退化症，良子豬大受打擊，一來這是遺傳的，二來對爺爺感到很內疚。看著爺爺由精精靈靈，變到行唔到，連食飯都要人餵，雖然大家表面上都好似無乜野，但係內心一點都唔好受。人類面對時間的考驗，係幾咁無能為力。又遇過爭 d 炒車事件，殺人王又唔行得，更覺人生無常。

在工作上，好似好有前景，突然做左 Team Head，但原來又發現，其實我從來都唔想要母儀天下，果種感覺，真係喊多過食飯，一點開心都沒有。再加上，Jiji 的離開，原來 OT 真係會 O 死人。當你只係為左一份工，令身邊所有愛你的人受傷，永遠再見唔到你，永遠無人再可以代替你，成件事真係好傻。唯獨自己所愛的人，係不可以取締的。因為 Jiji 的離開，之後又發生了一連 2 次毁滅性的 MM 事件，我真係覺得自己太天真了。而呢一份天真，只會傷害自己，同埋傷害愛錫自己的人。做一份工，做到 Check email 同 whats app 都會喊，為乜野呢。。。再加上，身邊的摯友，一個一個的辭職，我覺得自己連同佢地溝通的耐性都無，連生活的耐性都無，何必呢。。。所以，中間都試過搵下一 d 自己真係鍾意既工，睇下有無機會啦。

在個人成長方面， 今年都算是一大突破， 年頭寫下來的年度計劃， 雖然未成功，但作了一個好開始。行動力方面，突飛猛進，狠狠出了幾個 Product，包括：Photo Locker Android, Eureka Android，年尾仲出埋 Picoo! Tim! 雖然出唔到 MuShake，因為最後比 Spotify 出左，但係今年都算係最量產的一年。

再學習埋 IDEO 同埋 Google Sprint 既方法，重開自己的 Twitter， 同1至 2 個出名的人互動，建立斷斷續續睇新聞的習慣，寫左 2 篇 Blog，建立了漫長的 Breakthough Task List，開始有系統地紀錄我們的 Product Concept / Template，又試過下 ccmf，都算係咁啦。只不過行動，唔夠深度，係下年重點學習課題。