昨天晚上，我們召開了家庭特別會議。。。主要都是我媽媽、我姐姐和我。
事緣我爸爸又再一次因為我們的事情，向我媽媽施壓，又將我們和另一邊既家庭比較，又訴說著別人比幾多家用，又點點點。。。
我媽媽的心情很差、很壞，所以召開了這次家庭會議，原意只想叫我的姐姐抽多一點時間陪屋企人。
怎料，我家姐竟然可以暢所欲言地說著大逆不道的說話。。。
*******************************************
以下只是部份內容的節錄：
我說：最近爸爸身體越來越差了，抽多一點時間陪佢飲飲茶啦。
她說：我又要返工，又要看鋪， 我連阿Ｘ放假都無時間陪佢呀。。。同佢飲茶搞到我好晚先至返到公司呀。。。我放工返到黎都十點幾十一點了。。。點早起身呀。。。年紀大，身體吾好係咁 ga la，我又吾係醫生，我可以做Ｄ乜野姐。。。(經過幾番遊說下)咁下星期同佢飲下茶 lor…
實情 — 平均每天她上班的時間，維持在下午四五點先返到公司的水平，每天吾到十二點都吾起身，每人每天只有二十四小時，點解早少少起身陪下自己屋企人咁困難呢。。。點解總有一些人，吾會反省，吾會汲取教訓。。。有機會的時候，又吾陪佢，到佢走了，又喊苦喊忽，我只會覺得佢既眼淚，都只係白流的。無錯，只有醫生先可以醫好病人，但係作為一名女兒，你可以做到既事，一定比醫生做到的多，亦可以做一些醫生做吾到的事。
媽媽訴說爸爸施壓的內容。。。
她說：每個月我都有交租 wor，爸爸又成日話我地吾交租，咁你叫我點同佢講呀。。。當二仟五蚊請工人，二仟蚊當家用，都夠啦。。。咁一係我出去求其搵間房住，樓上三樓你地放租出去比佢 lor (講左幾次)。。。你地成日都出去食飯，我一日都只係食一個包一個面算了，你地多Ｄ買送返黎煮飯，咪可以省多Ｄ lor…
我說：媽媽原本可以有退休金可以慢慢用 ga…
她說：係呀，借左比我搞鋪頭 ar ma…
實情 — 每月的租金，佢鍾意交就交，吾夠錢洗就吾交，鍾意就交少少，成日要我媽媽吹佢交。租金就租金啦，點可以又當家用，又當請工人，又當交租 ga。雖然媽媽有時會因為佢吾交租既原因，同爸爸要多一點家用，但係佢夠吾夠膽話自己交齊每個月既租金呀，佢既口吻、語氣，就好似一直在怨、怨、怨。。。家人對佢既好，反而換來怨、怨、怨。。。最傷害父母心的事情，莫過於此。
明知道我媽媽就最鍾意出街食飯，叫佢買送煮飯食，改變佢既生活模式，呢Ｄ係咪一個女兒講得出既說話呀？咁即係話，我媽媽當日借錢比你，係佢自己既事，而家要同你一齊受苦呀？淨係覺得屋企成日問佢攞錢，但係佢有冇唸過，係邊個問屋企攞得最多？係邊個要借錢，先至出現下，先同我爸爸媽媽飲茶？
我說：其實你係咪一直都好吾滿意、覺得好吾公平，你要比咁多錢先至住一層，我地比少Ｄ就可以住一層？
她說：ar… 吾係呀，只係你地成日出去食飯，出去食飯又貴，實用多Ｄ錢 ga la… (她用了幾個方法去解釋，其實最後的意思，都係好吾滿意，覺得吾公平)
我說：咁你地最初搬上去住，又話結婚？既然係決定結婚，咁就結啦，如果係吾結婚既，咁你講聲，大家有個心理準備呀，吾駛一年又拖一年。
她說：邊有錢結婚呀？註冊都要六佰幾蚊啦(我真係想同佢講，呢六佰幾蚊如果佢出吾起既話，我幫佢出)。。。而且果張紙係咪真係咁重要姐，兩個人一齊做乜野要結婚姐？。。。咁試下五年 lor，呢五年睇下搏吾搏到結婚 lor…
實情 — 當日，我地結婚之後，爸爸怕我地吾夠位住，所以主動叫我地住上二樓。當日，佢地話佢地要結婚，會戒煙，所以佢地主動要住上三樓(其實主要原因係因為某人覺得住地下，無空間，佢需要多一點私人空間)。我地，就變左佢要挾媽媽的籌碼。。。佢成日話搬出去求其搵間房住，其實就係明知道我地比少Ｄ錢又有得住一層，我地又吾會搬走，佢就好似要為媽媽灌上“不公平／遍心／不義”之名。佢又覺得佢比媽媽既錢，好似就全部洗在我地身上。（好記得佢曾經講過，我地要佢出錢請工人照顧我地個仔，我地要婆婆出錢養我地個仔）結果，佢地無結到婚（因為無錢，但係亦吾見佢地話儲錢），佢地都無戒煙（明明係一件吾洗錢都做到既事）。到今日，搞到好似係我地要迫佢結婚咁。
我說：之前買超市，入油既卡數，要一齊還呀。
她說：我用車都吾夠十次，你話買超級市場的錢，好啦，你比番張單我，我夾一份 lor…
實情 — 你叫我點拎番一年前既單出黎比你睇？買既時候，就好似吾駛錢咁，而家要比錢，你就問我要單。咁我駛吾駛出盤數比你？T_T 用車吾夠十次，但係佢用一次都等於我地十次啦。一家人，吾駛咁計呀？佢吾比，吾通要我退左休既媽媽比？
我說：對住媽媽講說話既態度，可吾可以好番少少？你說話的語氣好難聽呀，令人吾想同你講落去。
她說：我Ｄ態度一向都係咁 ga wor, 我吾覺得有
*******************************************
其實仲有好多好多難聽既說話，但係我都吾想我媽媽太難過了，所以我都無繼續講落去。如果佢係我地個女，良子話會大巴大巴車埋去，我會叫佢即刻拾野走。呢Ｄ人，對佢好，只會對自己殘忍。當晚，好難過，好想哭，流了幾滴眼淚。這就是絕對的絕望的感覺吧！好似一切一切，都吾到我去選擇，可能我媽媽所感到的，會更強烈。
如果，可以有一個專一的爸爸，媽媽就吾需要過著與另一個家比較的生活。
如果，我未有ＢＢ，就仲可以出去搵份工搏殺，支撐下這頭家。
如果，可以有一個正常少少既家姐，或者我地既壓力就吾駛咁大。
感覺就像，我雖不殺佰仁，佰仁由我而死一樣。
亦都要好多謝佢，多謝佢比個機會我反思一下。可能，人就是需要到絕處才能逢生。
經過一整天的反思，心中有了兩個計劃。有方向了，有目標了，生活吾再遊遊蕩蕩，心態都改變了。好多謝老公支持我的方向，一直以來你都是我的精神支柱。
好多謝家姐帶左一個「攞債」既風氣入黎，一個家庭入面，就好似要比較邊個拎得屋企既野最多。明明是親血緣的兩姐妹，都要建立了一段段莫名的敵對關係。多得佢既心態，我覺得佢已經變得完全吾重要了，亦都經歷了這一次，我對呢個人完全死心和絕望。無錯，其他人要做乜野事情，我係控制吾到的，所以我只可以做好我自己。
詳細既計劃內容，也許要待續。