難得可以同老公一齊出去睇戲，好開心！我地睇左 Rocky，雖然我未睇過之前果幾集，對呢類型既戲又無乜興趣，但係睇完之後好多啟發。
主 要內容都係講述 Rocky 原本已退出拳壇，但係為左可以再見返佢老婆(<-呢個原因係事後我老公想出來的)，所以就算人人都認為佢太老，佢都參加了賽事。最有啟發性，都係 Rocky 罵佢個仔，因為佢個仔唔想佢出賽，怕 Rocky 令佢掉面、破壞佢為自己建立佢既前途。我相信呢一段說話，可以罵醒好多人。好多時人一遇到唔好既事，第一隻手指總會指著人地，例如係某人做得唔好、係某人 做錯，但係往往就無考慮到問題其實出於自己。雖然電影低成本製作，但句句對白也發人心省。 原本，因為事業上的事情，感到很失意、很大壓力， 但係睇完 Rocky 之後，佢鼓舞左我。正如 Rocky 去到老都想自己做不後悔的事，我都唔想到老之後，先至後悔自己乜野都未試過。人生的路，可以很艱難，命運的煎熬，可以拳拳到肉，就是那一份不屈不撓的精 神，先至難能可貴。 我相信有一天如若我上到那一條階梯的頂端，我都會做一個 Rocky 的姿勢！