等待的時間
九月五日就係小BB既預產期，由八月開始，時間就好像一直等下去。好想小BB快點出世，但係良子就話，在肚裡面多一日就好一日。想做的事，好似都要等到BB出世後先至做。
4 Sept 2009 @ Home
Mama need to go to hospital la… >.< bye bye Bean Bean, cannot see you for a few days... will miss you and your lovely Dad.
九月四日中午同豆豆，婆婆在屋企食完飯，感覺好似終於黎了。少少穿水，又一陣陣的收縮，小BB終於要來了嗎？
仲有時間沖涼，拾野先去醫院。Haha，搞到良子豬都好緊張呀，即刻由cyberport衝去沙田。雖然穿水好似係假的，但係子宮收縮係真哦!呢個時候，唯有等啦。好在今次比上次少人，而且好多媽媽都只係做檢查的。子宮收縮的時間係就好穩定，但係唔夠強度。。。又唔係好痛。
得自己一個人過的晚上，好難過哦，訓得唔好，又累。打番去比豆豆豬，佢以為我叫佢訓覺，所以佢第一句就同媽媽講，要玩多陣。係我平時太嚴格了嗎？
一直都只係收縮，又唔係好痛。直到半夜四點(豆豆穿水都係近似的時間哦!)，見紅了!好緊張呀，因為上次都無試過見紅。。。又有少少肚痛，姑娘話先至得一度。好小好小。。。
到第二朝，痛密了，多了，但係媽媽豬訓著了，佢又一齊休息了。到早上十一點，婆婆同良子豬都黎了，三個人就只是干干的等。這樣的時間，最難過。
由十一點，等到探病時間，又由探病等到要走。。。曾經出現過好痛，但係又無規律，檢查都係開得小小。
所以良子豬同婆婆都係返屋企啦，因為聽日仲要作戰。
半夜睇住隔離的媽媽一個接一個去產房了。。。等到媽媽好焦急呀，好想BB快D有跡象，好想快D出黎。
這個晚上，雖然訓得好D了，但係都係好寂寞。可能因為媽媽豬緊張，大壓力，所以搞到小BB仲未出黎。又可能因為媽媽豬太怕上次好痛好痛的感覺，所以搞到小BB驚左唔出黎。等得好辛苦，好似唔知要等幾耐咁，等到個人都消磨意志了。
第二朝，媽媽豬努力行行企企，好想小BB快D再黎。得媽媽豬同小BB，有一種一家人同心合力做好一件事的感覺。良子爹爹豬，就比支持既力量比媽媽，豆豆豬就做乖乖小朋友，小BB就要出力出力，媽媽就努力努力。想到呢度，媽媽豬就有一種好想喊的感覺，因為有一種好溫暖的力量，由心裡面擁出黎，係一家人的力量，好sweet，好warm。
好想個肚肚再痛番，因為這是小BB給媽媽的力量。媽媽豬唔再怕了，因為這是良子豬給媽媽豬的力量。我地要一齊加油，一齊努力，下一次既陣痛，除左一份痛，仲有一份喜悅。