母親的約定

豆豆這個夏天要學會照顧自己哦！

這個暑假，媽媽把昔日的舊相機，送給豆豆，

讓他可以紀錄每一天的趣事。

雖然片段是零散的、迷濛的，

間中還會露出小指頭，不過這是屬於我們的回憶、我們的故事。

把相片組合起來，還可以製成我們的暑假日記。

今天，作為媽媽的我，真的狠狠忿怒了！或者是目前為止，我人生入面，最忿怒的一次。

事緣。。。

我和婆婆帶豆豆和朗朗到兒童遊戲室玩，由於現場有很多小朋友，所以我和朗朗就在遊戲室的角落面對面玩，豆豆就四圍走。

玩左大約十五分鐘，突然有個小妹妹(大約一歲多少少，還未企得好穩) 拖住個家姐去朗朗隔離，我最初以為佢想同朗朗玩，所以無分開佢地。

點知果個小妹妹，一下打落朗朗度，跟住我分開佢地，個家姐拉走左個小妹妹，我只係問佢：「你點可以打人GA?」

好在朗朗都無大哭，之後我地繼續玩。小妹妹的媽媽都無出玩，只係在遊戲室的角落，叫佢個女唔好打人。

我經已有所戒備，所以同朗朗維持一個身位的距離，繼續在遊戲室的角落玩。

無幾耐，又係果個小妹妹，一下衝埋黎，一手拉弓，一大巴打在朗朗的面上。前後發生都唔夠五秒。

哇！真係心痛死我呀，我真係情願佢打我，好過打我個仔。

跟住我一手捉住個小妹妹隻手，問佢：「點可以打人GA？做乜野打人？」就算我罵佢，佢都唔覺得自己做錯事，我點都唔放手，佢阿媽先至過黎，作狀打個女手板，0係度話佢「唔可以打人GA」，「你做乜野打人呀？」。到最後個阿媽好辛苦先至講左句「唔好意思，佢見到BB係咁GA」。跟住我地坐埋一邊，個阿媽仲由得個小妹妹周圍玩，個小妹妹根本意識唔到發生乜野問題。

其實我可以選擇一巴打番落個妹妹度，但係我唔想教阿豆以暴易暴。或者我可以叫職員趕佢離場，但我無做到，因為我唔想幫人地教女。

呢個時候，我真係好嬲好嬲(真係嬲到想報警)，但係我按捺住自己，因為我知道，呢個小妹妹既媽媽，唔識教佢，到頭來，所有惡果都只會佢自己受番曬。

今日，可能佢只係大巴大巴打我個仔(一個佢唔認識既人)，但係到你老左，就輪到佢打你。

另外仲有一段小插曲，有個小學咁上下的小朋友，向媽媽發脾氣，將一杯水狠狠潑在地上。結果，要清潔姐姐來抺地。

若然係我的小孩，我一定要佢自己抺番乾淨個地，因為呢個係佢自己既責任，一切後果，都要由佢自己承擔，而唔係由其他人幫佢收拾爛攤子。

就好似目前熱烈討論的打警局案，連保護市民的警察都可以打，果個女人連社會上基本的規則都唔守，全無悔意，有錢有學識都唔代表識教子女。

或者呢個世界上，有好多全職媽媽，但有些媽媽根本唔識教佢地既子女，佢地只係用自己舊有的一套，又唔會睇多D書自我增值。

有時為左面子，放棄第一時間 / 最好時機教導子女，有乜野事都返到屋企先講；

有時子女犯錯，不了了之，或者以為佢唔明，就唔駛同佢講，結果子女都唔明白犯錯的嚴重性。

或者我們的教育方針，未必是最好，不過起碼我要教識你們認清對錯，有分辨是非的能力。

而家唔教，唔通等佢三十歲，乜野都唔聽你講既時候先至教？

錯過教育小孩子的時間和機會，只會成為人生的遺憾。

世界上，沒有教不好的孩子，只有不懂教的父母。